Helfit Lifestyle Club (Closed)

又來Helfit開餐，梗係啦，上次食過翻尋味，心郁郁又想黎睇下今期轉左咩新菜式😆。呢度環境清靜，服務良好，係我一再幫襯嘅指標。嗯，又係令人耳目一新的menu，真令人感動。沒有了飯麵，卻大膽起用了很多西餐廳不敢用的龍蝦作主菜，一來是挺難控制烹調品質，二來是來貨成本高，所以大都不選用。頭盤係我至愛嘅蟹餅，用上菲律賓蟹肉與三色燈籠椒混合，才配以蜜糖芥末汁的新鮮沙律菜，好吃得不消一會已全吃掉了，令人胃口大開。身心都準備好迎接龍蝦湯嘅降臨，龍蝦味果然濃郁，龍蝦肉爽脆彈牙👍🏻，點著麵包吃剛好中和了湯的咸味。龍蝦米多，造型賞心悅目，滿滿的芝士香，還以我最愛吃的薯泥伴碟。洋蔥伴以芝士焗龍蝦，味道濃郁，肉質彈牙。焗羊架配開心果檸檬百里香汁，生熟程度剛好，外層開心果焦香而內裡軟熟juicy，不太有羊羶味，無得彈。大廚今晚為客人大膽準備了兩款色澤、用料、口感相似的甜品，分別是Creme brulee焦糖燉蛋和焦糖布甸。最欣賞這裡對甜品擺碟的用心，看著其賣相已令人心花怒放。微微燒焦的脆香外層和軟滑的燉蛋形成最夾的口味。