信記避風塘海鮮美食

Open Now

Now Closed

上星期與三五知己到老友新開番業的銅鑼灣避風塘遊艇河+食正宗避風塘海鮮，真喺賞心悅事呀；我知道其實銅鑼灣避風塘之前已停業十多年了，今次多得老友與一班過往在銅鑼灣避風塘的經營者合作，在幾經努カ吓將這個咁有歷史價值的旅遊勝地再次浮現香港；這個咁有風味及特色的地方對於我們香港人或是遊客都非常懷緬，希望旅遊協會可以幫助推廣及協助一吓；免至這個咁有歷史價值及風味特色的地方流失。講番當晚去到上艇時真喺非常興同好開心；亞姐搖吓搖吓隻艇搖到去泊住廚房艇，大廚開哥；隨即為我們整幾味正宗避風塘美食，當然有譽滿全城的正宗避風塘炒辣蟹、豉椒炒辣蜆、黃金蝦、椒鹽瀨尿蝦、辣酒東風螺、椒鹽泥鯭，當然仲有好好味嘅大地魚做湯底的燒鴨河、艇仔粥、韭菜花、小食等。全部都好好味呀！大家真喺要試吓呀；咩嘢先至喺真正正宗避風塘炒辣蟹....等！大廚開哥無得頂...！