URBAN Cafe (彌敦道)

Open Now

Now Closed

既然對有小朋友嘅食客態度咁差，點解唔直接寫明不招待幾多歲以下小朋友。去咗呢間cafe 2次，第一次感覺良好，各方面都ok，唯一係某位女職員(感覺應該比較高級,成日指揮其他職員做嘢)態度好一般。第二次去係好差，一入門口就feel到該位比較高級嘅女職員態度係極差。坐低一陣，終於明白點解，原來有一枱有啲比較細嘅小朋友，呢枱小朋友有時行為唔係咁討好，但唔係傷害貓貓。該位女職員就因為果枱嘅小朋友，連帶對其他枱小朋友都不太友善，小朋友做咩都好似錯咁。另外明明平日有2小時用膳時間，入坐後1小時15分鐘就嚟收走未食完嘅食物，1.5小時就清空張枱，過多5分鐘就俾張單叫你埋單，埋完單我去洗手間，小朋友去咗摸貓，我出到嚟就已經有新食客坐咗我張枱。食物不過不失，唔難食亦唔叫好食。2次儲埋有十幾個印花，不過冇用，就算唔駛錢都唔會再去受氣。