天祥飯店

Open Now

Now Closed

行過呢度，仲以為火燭，成條街都係hum hum聲同煙。我地久唔久路過都話，住樓上的，都幾係咖。呢條街的大牌檔共3間，先幫趁呢間，因為D青蛙收埋左，點送易D。都未坐底就叫定肥妹B酒降溫先，跟住就係提升溫度的熱氣野招鹽吊筒。本來想豉油皇，但見係新鮮吊筒，於是改為招鹽送B酒。跟住就係自殺式雞腸，其實由於雞腸無可能招鹽，所以就局住要吊筒就佢。雞腸又係新鮮，新鮮到好似由隻雞度監生扯出黎。蒜溶開邊蒸沙蝦，小小粉絲底，最利害就係呢隻貌美如花的雞，本來係叫手撕雞，但橫睇掂睇，都係用刀劈喎！而且，雞雖然都係新鮮，但就無咩雞味。成為唯一的敗筆。