嘆撈

Open Now

Now Closed

其實之前都食過好幾次，但實在因為真係太高質，所以每次想食甜品，都會忍唔住自動自覺咁過黎食。🤦🏾‍♀️鋪面細細，所以如果想一大班人過黎食，要有心理準備要排好耐。今次就友人嗌左兩個甜品，一中一西。首先，係我每次黎都必嗌嘅岩鹽拖肥Oreo鮮忌廉窩夫。呢度嘅窩夫整到勁輕，誇張啲講，輕到有少少似忌廉，所以係必食。加埋岩鹽、拖肥同Oreo，全部都係我鍾意嘅野，超邪惡但勁like👍👍薑汁三色芋圓。芋圓份量大方，有好多粒，都各自食到芋頭、番薯、紫薯嘅味。不過略嫌薑汁太甜，唔夠薑味。總括黎講，價錢合理，質素高，特別係窩夫，係值得我一再回頭嘅甜品鋪。