Hugo Cafe

Open Now

Now Closed

l平時真係冇乜機會會去駿景商場，今次去開附近做嘢，當然要食埋野啦！😌商場入邊選擇唔多，最特別嘅餐廳好似係呢間Hugo cafe啦，門口放晒餐牌可以睇定啱食先入去👍🏽職員態度好好😊好有禮貌咁叫你做安心出行登記，之後再帶我哋入坐，仲有簡單介紹下餐牌嘅食物🙂🙂我同朋友兩個人，總共嗌左兩個午餐加一個小食，好飽，午餐會跟埋餐包同湯或者沙律🥗分量十足😋咁就先講吓個湯，餐包同埋個沙律，餐湯應該係每日都唔同，我嗰日去嘅餐湯係南瓜湯，有好濃既南瓜味，而且好幼滑👍🏽👍🏽正😋沙律就係芝麻醬什菜沙律🥗有蕃茄粒，羽衣甘藍，火箭菜，生菜等，味道正常，如果有多啲芝麻醬就更好😌特別一讚係個麵包🥯出乎意料咁好味，外脆內軟而且甜甜地，最重要係黎嘅時候個包係熱既，應該係啱啱焗起😌配埋牛油冇得輸😋😋😋至於正餐就叫咗紐西蘭肉眼扒配薯菜同埋蟹肉西蘭花紅花意大利飯紐西蘭肉眼扒配薯菜🐮件牛扒外貌就一般，但係味道有意外驚喜😊見佢煎到燶燶哋以為會好乾，點知食落去又唔係喎，都有啲肉汁，而且肉味好濃😋😋薯角就炸得好脆👍🏽👍🏽蟹肉西蘭花紅花意大利飯🦀呢個賣相幾好，味道都OK😊除咗食到西蘭花味之外，仲食到入邊有芝士味，如果啲飯可以再煮林啲，多啲