Be Leaf (Closed)

位於觀塘嘅Be Leaf係近期大受歡迎嘅餐廳，舖頭以乾花做主題，喺繁囂嘅鬧市好似一個secret garden咁，非常突出🥀餐廳外面仲設有半室外座位，客人可以一邊嘆住美食，一邊享受環境，仲可以打埋卡📸食物嘅質素亦非常唔錯，絕對係值得到訪嘅餐廳！ 🥣南瓜湯配餐包南瓜湯味道鮮甜不過唔算超濃郁，餐包如果大塊啲同埋焗得脆少少就更加好了🥹 🍗香茅蒜香泰式炸雞翼呢份炸雞翼喺我影完相之後仲係外脆內嫩，實在係太強大了！炸粉唔會太厚，香茅碎亦唔會太多或者炸得太硬拮親口，但係都充滿住香味；搭上甜甜辣辣嘅沾醬，唔會油膩之餘仲好開胃😋 🥗雜錦海鮮沙律海鮮俾得十分足料，又有大蝦、又有帆立貝，仲有埋魷魚！海鮮嘅調味香口而且煮得好入味，再搭上新鮮清爽嘅沙律菜同醋，無論係味道定口感方面都非常有層次✨ 🦆16小時慢煮醬烤法國鴨腿配牛油燴意大利飯烤鴨腿較為乾身，但係香味依然十足！意大利飯就煮得啱啱好，有口感得嚟又夠creamy，飯入面仲有辣肉腸粒，令味道濃郁得嚟亦唔會太滯👍 🇹🇭泰式奶茶泰式奶茶上面唧咗忌廉但係又唔會太甜，係適合搭配主菜嘅飲品！ 🌊Ocean paradise soda神秘嘅Ocean paradise