碧士文 (東利商業大廈)

Open Now

Now Closed

食過兩次之後決定上黎比個好評支持下佢，一次係午餐外賣一次係晚餐堂食。大家會唔會已經比茶餐廳嘅豬扒頹飯洗左腦，遺忘左豬扒都可以好好食？焗芝士咖哩豬扒飯(外賣冇影相)厚切豬扒鬆化得來有咬口，唔係醃到無曬彈性果種，係醃得入味，有香茅味而唔咸，咖哩汁同飯嘅比例亦啱啱好。蔥油豬扒飯(堂食)豬扒質素同上。單層豬柳漢堡(堂食)個包係烘到脆面，豬扒好 juicy，生菜係好脆好新鮮嘅一叠，唔係燶邊梅dum dum 嘅兩片。手打豬肉丸兩次都有食，大粒過乒乓波，其實食完三粒已經好飽，味道好豐富有啲香料味，唔係死死實實一舊。