Video
Read full review
2025-01-13
179 views
今日同屋企人行完工展會, 係天后睇下有咩好食. 朋友仔介紹我地去試下係樓上充滿懷舊大排檔情懷嘅人氣火鍋店「叁不館」, 我地一去到真係嘩嘩嘩!! 全場係八十年代老香港為主題, 播放緊係為人熟悉嘅懷舊金曲, 屋企人都好鍾意!! 我地6:30左右坐底, 之後一直有好多三五成群嘅人入座, 全場滿座, 好有氣氛!! 見到有間private room環境佈置得好有懷舊風味, 有機會要約埋朋友一齊嚟👭🏻👬🏻 餐牌係好似報紙咁, 設計好有心思. 好快手叫食物, 之後店員好有心同我地講解, 仲拎埋開胃小食 (青瓜同花生) + 火鍋醬油配料盤比我地調醬, 特別推介自家製蔥頭油 + 沙嗲醬!!💡湯底我地叫左卜卜蜆豬骨煲, 店員建議我地先飲湯+食蜆, 之後就可以開始打邊爐. 湯底有少少胡椒嘅辣, 入邊有好多蜆, 蜆肉好大隻, 冇沙好嫩好鮮, 再加埋大大件嘅豬骨 + 蘿蔔 + 粟米, 真係好足料. 趁個火鍋滾緊, 我地食住小菜先 - 椒鹽墨魚餅, 驚喜之作, 連平時好高要求嘅一家之”煮”都大讚👍🏻 好有墨魚味, 外皮好脆好薄, 肉質結實有口感但唔會過火!!屋企人鍾意食牛, 我地叫左牛魔王拼盤 (包括6個唔同部位
💡湯底我地叫左卜卜蜆豬骨煲, 店員建議我地先飲湯+食蜆, 之後就可以開始打邊爐. 湯底有少少胡椒嘅辣, 入邊有好多蜆, 蜆肉好大隻, 冇沙好嫩好鮮, 再加埋大大件嘅豬骨 + 蘿蔔 + 粟米, 真係好足料. 趁個火鍋滾緊, 我地食住小菜先 - 椒鹽墨魚餅, 驚喜之作, 連平時好高要求嘅一家之”煮”都大讚👍🏻 好有墨魚味, 外皮好脆好薄, 肉質結實有口感但唔會過火!!
屋企人鍾意食牛, 我地叫左牛魔王拼盤 (包括6個唔同部位):-
1️⃣極級本地手切肥牛 - 油脂分佈好細緻, 厚薄切得啱啱好, 放入火鍋幾秒就食得, 肥瘦適中有濃郁牛味, 食落有口感, 嫩滑又多汁
2️⃣頂級安格斯牛頸脊 - 油脂分佈均勻, 肉味濃郁, 食落有口感
3️⃣手切封門柳 - 結實又有口感
4️⃣鮮牛肉粒 – 好軟腍又多汁
5️⃣黑安格斯牛板腱 – 牛板腱特色係中間有1條筋通過, 因為肩膀運動量好大, 所以牛板腱脂肪少肉結實
6️⃣牛脷托 - 牛舌最近喉嚨又最厚肉嘅部位, 煙韌有彈性, 油香有濃濃肉味
打邊爐點可以唔叫海鮮?! 我地叫左蘇格蘭蟶子 + 日本扇貝, 店員好細心將新鮮嘅蟶子/扇貝已經預先起殼, 全部都好乾淨, 新鮮又大隻, 屋企人大讚!! 另一個必點就係手打五寶丸 (豬肉丸+鯪魚丸+牛丸+墨魚丸+蝦丸), 款款都彈牙又多汁, 媽媽私心推介墨魚丸, 真材實料好有墨魚味!! 仲叫左自家製四拼餃 (鮮蝦雲吞+韮菜餃+芫茜餃+午餐肉餃), 款款都皮薄餡靚, 鮮蝦雲吞入面有超大隻蝦, 爽口彈牙, 而當中最驚喜一定係午餐肉餃, 未食之前仲幻想緊會係咩味道, 一試有驚喜, 估唔到午餐肉做餃子又幾夾, 有創意又好味!! 食左咁多肉, 一定要叫番雜菜拼盤 (粟米+蕃茄+萵筍+木耳+娃娃菜等等唔同嘅時蔬), 好豐富絕對夠4個人食!! 因為有小朋友, 我地仲叫左半隻雞, 多肉又有雞嘅鮮味, 好快就KO左碟雞!!
食火鍋又點可以唔叫啤酒? 而家做緊限時優惠, 讚好社交平台就可以$1/支啤酒 ($10/10支), 好吸引!! 另外仲叫咗自家製竹庶茅根海底椰同檸檬薏米水, 真材實料, 清熱降火，打邊爐飲就啱晒!!
❤️ 特別要讚一讚店員們! Full House都友善有禮, 仲不斷主動換碟同介紹食物同推介食法, 真係100分!!
Post
