北海丼 (Closed)

依排日日落雨, 想出街都冇乜選擇唯有要留係商場。加上blue monday, 朋友仔話要食下好西等自己開心下, 於是就揀左黎食想試好耐嘅北海丼!平日晚上黎到, 好彩人都唔算多, 唔需要等位就入到, 好快店員就安排左我地入座。鋪內嘅裝修都充滿住日式嘅味道, 淺色嘅木襯上和式吊燈, 簡單得黎令人覺得好舒服。最近其實都好多新開嘅丼飯選擇, 不過我覺得食新鮮野, 味道黎講真係好直接咁反映左係價錢上, 一份錢一份貨B-)話明要食好西, 我地就揀左佢地嘅招牌北海丼同埋特上魚生丼! 先講下招牌丼真係招牌水準! 一上菜係真嘩一聲, 先唔講d 魚生多到滿晒, 而且樣樣都好新鮮, 一睇就知好好食! 有帶子、三文魚and魚籽、海膽、蟹鉗仲有隻鮑魚…撈左少少醬油, 啖啖鮮味! 加上佢個飯本身都已經有少少調味, 好快就比我清晒成個飯特上魚生丼其實都唔弱, 不過心多多嘅我都係鍾情招牌丼B-)仲叫左個小食炸蟹餅, 一樣冇令我失望! 食落勁有蟹味, 外脆內滑炸得好靚。另外要讚一讚店員都好好服務, 帶位上菜加水都好有禮貌, 我地坐左好耐都冇唔耐煩, 仲好親切tim~飲飽食醉又坐左陣同朋友仔傾下計, 咁又一晚, 依到個環