香河越南餐廳 (Closed)

行行下街，本來想食西餐但見到間望落好傳統特色小店就決定試試入到門口冷氣好凍但見都算多人應該都無伏。坐低後鍾意食生野的我叫左個生牛肉檬粉，雞絲扎肉蛋米粉同幾樣小食，呢到有套餐但套餐啲小食吾岩口味原來想散叫，落單姐姐幫我照計套餐就吾洗咁貴開心。啲食物都好食好有越南感覺首先嚟咗個蝦仁豬肉碎米紙卷，肉碎同粉皮雖然乾身咗啲，但係點魚露同佢入邊嘅香料好清新～春卷都好脆口好正路，味道濃郁～既然轉咗做套餐咁抵食就叫多個腍肉卷啦，腍肉好似係醃制過嘅生豬肉，好可惜食到最後剩返兩條食唔晒因為碗麵真係好抵食飽肚叫咗越南西貢啤酒，朋友話飲落似青島不過我覺得比起青島濃啲，成熟啲，起泡冇咁刺激～生牛肉河粉因為趁牛肉生食咗先就冇影到相最後想講句食到咁飽埋單355，喺銅鑼灣食到咁飽呢個價又有酒飲已經好抵，最重要係樣樣野都好食。其他食評又講佢啲米紙卷凍呀（去其他地方食都係唔熱架親），粉面湯底唔夠咸⋯⋯我想講鍾意食味精嘅咪去其他地方囉，其實牛肉粉個湯底好有午骨味，加埋魚露落去加辣椒已經好夠味㗎啦，我食完飲埋晒啲湯完全唔覺得口渴，唔珍惜呢啲良心小店嘅繼續食越棧芽莊囉，睇吓你到時3百蚊埋唔埋到單。