亞蘇爾 (新城市廣場) (Closed)

呢間餐廳開咗差唔多一年，終於有機會試試。平時見好多人等位，今日又唔算要等好耐。點好彩後，上菜嘅速度都幾快。葡汁焗青口有六大隻青口，青口肉實淨，加上薯蓉、煙肉粒、洋蔥、芝士，焗得非常好味，非常香口。咖喱羊架配脆豬包上碟已經聞到好濃嘅咖喱汁味，有三大片羊架，外皮燒得香脆，內面仍然有肉汁。特別想講下咖喱汁唔算太辣，好惹味，拌豬仔包一流！脆皮豬手上碟嘅時候用一個透明蓋蓋住，侍應會喺個蓋中間加熱，個蓋瞬間就變咗白濛濛一片，有飄出陣陣燒烤味。引來旁邊食客都望過嚟。豬手份量都算多，原隻上，已經起肉起骨。這個餸要趁熱食，放涼了豬皮會比較韌。呢間餐廳有驚喜， 三碟菜都好食，會再黎試試其他。