Video
Read full review
2014-04-28
4784 views
是日慶祝小妹同另一好友生日，一大班人最適合不過就係到一間舒服既cafe玩樂同食餐飯，今次去既CUBBY Cafe 確係一個唔錯既選擇! 呢度地方闊落，我地一行九人被安排到長枱，不過唔知點解係需要除鞋既，可能因為張枱係被梳化圍住驚有人踩到梳化所以要除鞋!? 雖然張梳化係無得挨，都算舒服既~飲品方面我地叫左蜂蜜啫喱花茶、蘋果啫喱花茶、朱古力咖啡、奇異果酵素果茶等等，啫喱花茶最特別既之處就係啫喱係分開另上既，可以食下啫喱再飲啖茶，或者將整個啫喱放入茶壺溶化，個人認為就咁食蜂蜜啫喱最好味，因為溶左入茶既啫喱無左甜味! 而我自己既奇異果酵素果茶就好大杯，奇異果蓉加上梳打氣水，酸酸甜甜，啱哂悶熱既天氣飲! 因為我地多人既關係，可以每人叫一款唔同既主菜試，而且每個set只需加HK$35就可以有多一個小食，方便開心share! 最特別推介既係威靈頓燒牛肉芝士卷、芝士法式焗薯條! 威靈頓燒牛肉芝士卷好香好軟，外面既酥皮亦好鬆化，不過一碟得三件太少! 而芝士法式焗薯條超大碟，而薯條亦係用上粗既薯條，裡面有薯蓉的，連埋芝士食，十分滋味! 其他既薄荷椰香炸雞翼、凱撒沙律，比較普通!食完小食，主菜
呢度地方闊落，我地一行九人被安排到長枱，不過唔知點解係需要除鞋既，可能因為張枱係被梳化圍住驚有人踩到梳化所以要除鞋!? 雖然張梳化係無得挨，都算舒服既~
飲品方面我地叫左蜂蜜啫喱花茶、蘋果啫喱花茶、朱古力咖啡、奇異果酵素果茶等等，啫喱花茶最特別既之處就係啫喱係分開另上既，可以食下啫喱再飲啖茶，或者將整個啫喱放入茶壺溶化，個人認為就咁食蜂蜜啫喱最好味，因為溶左入茶既啫喱無左甜味! 而我自己既奇異果酵素果茶就好大杯，奇異果蓉加上梳打氣水，酸酸甜甜，啱哂悶熱既天氣飲!
因為我地多人既關係，可以每人叫一款唔同既主菜試，而且每個set只需加HK$35就可以有多一個小食，方便開心share! 最特別推介既係威靈頓燒牛肉芝士卷、芝士法式焗薯條! 威靈頓燒牛肉芝士卷好香好軟，外面既酥皮亦好鬆化，不過一碟得三件太少! 而芝士法式焗薯條超大碟，而薯條亦係用上粗既薯條，裡面有薯蓉的，連埋芝士食，十分滋味! 其他既薄荷椰香炸雞翼、凱撒沙律，比較普通!
食完小食，主菜陸陸續續送上，鴨胸扁意大利粉 - 鴨胸好稔而且夠味，其他如海鮮蕃茄天使麵、西班牙雞肉焞飯、白汁海鮮Risotto比較普通，朋友話個雞肉焞飯好似炒飯咁，無乜味~反而意式博洛尼亞肉丸長通粉最有驚喜，長通粉個醬汁好好味! 有d失望既係我叫既鵝肝蘋果Risotto ，雖然係廚師推介，Risotto既蘋果汁太酸，頭一兩啖覺得ok好醒胃，不過食哂全部既話實在太酸，食淨少少都食唔到落去，但係個鵝肝係煎得幾好幾香!
另外，雖然全場只有一個侍應，出菜有d慢，不過服務態度好好! 而且tum 得朋友既小朋友好開心! 絕對係值得推介既party之選! Post
