斗滾 (銀座38) (Moved) New Location

話說佢都幾難book位咁我哋打去想話食星期四，平啲呀嘛，職員話當晚好爆呀可能要坐到lift口出面，建議我哋星期五，是但啦就星期五，點知都係要坐到lift口囉，其實佢座位安排真係好大問題，見當晚有枱冇人坐，都要安排我哋坐到去lift口，星期五六日假期貴啲嘛。講返佢個任食套餐無限時間，先食雞煲，到蒸海鮮，再飲湯，最後火鍋，蒸海鮮拼盤限一次，雞煲同火鍋都係任你食，火鍋我個人覺得唔吸引，我哋二人如要烏雞湯就要加$38，好似4人就免費，雞煲係生上，自己煮，職員會教你計時炒四次咁就食得，食完個雞煲仲問你要唔要再加，我哋再加，都係小辣、個雞煲真係好好食，原來係上另一煲生嘅比我哋，再跟返之前程序再自己煮，唔係就咁倒啲雞係同一個煲到，呢方面好抵讚，到蒸海鮮併盤，呢個最期待，好彩無令我失望，蒜蓉蒸海鮮好香，好入味，夠晒滋味，烏冬同聖指好好味好正，但龍躉肉薄咗啲咁，職員個個都好好又勤力，飲品唔係講到咁多選擇，希望你哋能夠改善座位編排上嘅問題。