Video
Read full review
2017-07-20
1787 views
剛渡過左忙碌既一週, 這星期終於有時間去撐下枱腳兼慰勞自己, 所以揀左呢間私房菜嘆返餐好既!唔係有人介紹, 都唔知尖沙咀有樓上私房菜! 去到棟似係商業cross over 住宅大廈, 唔見有餐廳水牌, 照跟住openrice 的地址搭lift 上5樓, 一開門左手邊就見到間餐廳了!門口好住宅feel, 入到既裝修就截然不同!去見到幾張散客枱同埋2間VIP 房, 房已經比人包左黎聚餐, 我地就坐左向外便的2 人枱地方唔算大, 但氣氛情調一流! 開頭唔太多客時, 靜到有D唔好意思講野~後來多左人黎就好好多了侍應先問我地有冇帶酒來, 我地唔飲酒的, 所以只開了一瓶法國礦泉水枱上的餐具睇落都好講究, 刀叉都依食用次序排列好, 餐廳有8 個或10個course的套餐, 我地好肚餓, 所以都揀左10 道菜, 侍應落單後馬上送上自家製餐包3 款, 仲好詳細解釋麵包既種類同埋沾醬自家製餐包有原味, 合桃同果乾包, 有茄子醬同蜜糖甘筍醬沾包 , 唔洗下下用牛油! 茄子醬味清淡, 唔太食得出係茄子, 不過甘筍醬就好清甜!用蔬菜醬沾包食冇牛油咁漏, 麵包亦焗得外脆內軟生蠔侍應推介呢度既生蠔, 要另外單點的,
唔係有人介紹, 都唔知尖沙咀有樓上私房菜! 去到棟似係商業cross over 住宅大廈, 唔見有餐廳水牌, 照跟住openrice 的地址搭lift 上5樓, 一開門左手邊就見到間餐廳了!
門口好住宅feel, 入到既裝修就截然不同!去見到幾張散客枱同埋2間VIP 房, 房已經比人包左黎聚餐, 我地就坐左向外便的2 人枱
地方唔算大, 但氣氛情調一流! 開頭唔太多客時, 靜到有D唔好意思講野~後來多左人黎就好好多了
侍應先問我地有冇帶酒來, 我地唔飲酒的, 所以只開了一瓶法國礦泉水
枱上的餐具睇落都好講究, 刀叉都依食用次序排列好, 餐廳有8 個或10個course的套餐, 我地好肚餓, 所以都揀左10 道菜, 侍應落單後馬上送上自家製餐包3 款, 仲好詳細解釋麵包既種類同埋沾醬
自家製餐包
有原味, 合桃同果乾包, 有茄子醬同蜜糖甘筍醬沾包 , 唔洗下下用牛油! 茄子醬味清淡, 唔太食得出係茄子, 不過甘筍醬就好清甜!
用蔬菜醬沾包食冇牛油咁漏, 麵包亦焗得外脆內軟
生蠔
侍應推介呢度既生蠔, 要另外單點的, 出名野梗係要試下, 點左南非同法國蠔各2 隻
南非蠔第一次食, 肉夠厚, 而且肉質好爽, 蠔味淡, 贏在口感
法國蠔就蠔味濃好多, 贏在味道! 2 款都各有特式, 都係即叫即開, 2 隻蠔都冇落醬汁, 輕輕加1,2滴檸檬汁已經好鮮味
生蠔
11 views
0 likes
0 comments
每個菜式都係隔左一個指定時間先送上, 絕對唔係趕收工style, 亦唔會放到一枱都係, 食唔切又攤到凍晒!
第2道菜係西班牙火腿, 呢度既食法好特別, 蜜瓜唔係包住火腿上, 係榨汁另上
先講火腿, 味道好香濃唔會過咸, 肉有一定厚度, 唔係薄薄一片, 所以好煙UN, 食到以前去西班牙食火腿既感覺
蜜瓜汁是之後飲的, 十分清甜!得一大啖唔太夠喉,不過都岩既, 淺嚐先可以有空間挑戰餘下咁多道菜
再來係輕炙北海道元貝, 帶子只燒熟左外層, 中間心仲有刺身feel, 一次過試到生熟2種口感! 拌住魚子食仲正, 粒粒魚子有咬口之餘, 仲帶少少咸香味, 令帶子更滋味! 旁邊的青瓜粒酸酸地, 侍應話留返最後食用黎refresh下味蕾, 又一用心之處
輕炙北海道元貝
9 views
0 likes
0 comments
食左3 道菜我地都贊口不絕, 仲開始期待跟住落黎既菜式會有乜野驚喜~
都隔左好一陣子, 侍應送上蕃茄凍湯
真係睇唔出係蕃茄湯, 因為個湯勁清, 飲落都唔係好重茄味, 侍應話呢個湯其實係用蕃茄乾烹調, 湯裡有辣辣地的粒粒, 令個湯有返D味 ; 另外湯入便仲隱藏了一舊透明色的西瓜果凍, 唔會淨係飲湯咁單調!上便塊莓味脆脆除左令個湯視覺效果高檔左外, 都增加左碗湯既口感
最有心思的是, 餐應提供凍湯匙飲湯, 唔會比溫度影響個味道
等到頸都長終於等到我最愛既鵝肝! 叫10個course 既原因之一係內含2 個鵝肝菜式! 呢款係鵝肝醬凍, 下便有火箭菜同特式醬汁拌住食
鵝肝醬個味好香濃, 不會過咸, 撈埋堆配菜食個味會較balance , 個質感好軟滑! 最有驚喜既係旁邊的黑珍珠, 係由黑醋整成, 夾埋鵝肝一齊食減低左個膩既感覺
龍蝦濃湯
十分香濃, 未飲已經聞到陣蝦殼味! 要煲龍蝦湯好花功夫, 要煲到咁入味應該都要花唔少時間心機!
碗旁邊有一堆炒過的龍蝦籽, 侍應說想濃味D可以加埋落去一齊飲, 為表欣賞, 我地都一滴不漏飲晒!
龍蝦濃湯
5 views
0 likes
0 comments
香煎法國鵝肝
無得輸既菜式, 上枱已經聞到香濃既鵝肝味, 咬落相當肥美! 上便放的炸牛蒡絲及NUTS碎十分香脆,底下也有配薯蓉 令成道菜口感更豐富
比起鵝肝醬, 我更喜歡燒鵝肝, 香口好多, 如果外皮燒得再脆燶D會更完美!
香煎法國鵝肝
5 views
0 likes
0 comments
檸檬木煙薰阿拉斯加蟹肉
食完一堆濃味野, 侍應就送上一個玻璃罐
呢個似係沙律既菜式好特別, 先用煙薰過再加蓋密封上枱, 侍應叫我地打開蓋, 即刻有一陣好香既煙味撲鼻! 勁好聞, 好想索多幾啖 XD
裡面係撕碎既蟹肉拼溫泉蛋同雜菜, 溫泉蛋要同沙律攪拌後再食, 口感滑D! 不過D火箭菜就偏苦, 加個柚子醋食正好遮左個苦味, 同埋蟹肉撈醋食好味好多!
番石榴雪芭
食過清甜既雪芭, 再次refresh個味蕾準備食主菜! 很多高級餐廳都會向主菜前安排雪芭比客人, 呢度亦不例外
食左快3 小時, 輪到主菜了! 我地特登揀左2款唔同既試~
香煎澳洲黑盲鰽魚
十分有層次既一道菜, 表面有一些果仁碎 , 連埋煎到好香脆既魚皮一齊食份外香口! 下便亦有燴菜底, 我用來撈魚肉食, 等舊魚濃味D~ 可能盲鰽魚本身肉質不是滑, 所以冇我想像中滑滑的口感, 最正都係塊魚皮 幸好叫了魚, 因為食到呢度已經飽了...再食肉應該食唔落甜品XD
香煎澳洲黑盲鰽魚
10 views
0 likes
0 comments
另一個主菜是澳洲M9和牛肉眼扒
牛扒唔係平時鋸扒果種大大塊, 不過份量已經好足夠了! 牛肉煎得剛剛好, 好易切, 入口十分嫩滑! 塊扒仲有濃濃的牛肉味, 以前真係未食過呢種味既牛肉 , 油脂部份更加冇得頂, 好甘香~
澳洲M9和牛肉眼扒
8 views
0 likes
0 comments
是晚甜品係柚子芝士蛋糕
柚子好清新, 正好中和返芝士既濃味, 食飽左再食都唔覺太漏蛋糕質地亦很幼滑
侍應又介紹左一個餐後享用既芝士拼盤, 有3款特別既進口高級芝士, 不嬲都偏好臭芝士, 所以藍芝士我係接受到的~~淨係聞已經好香濃!
最後侍應奉上餐茶盒比我地揀餐茶, 選了舒緩的薰衣草茶, 想不到是一整壼! 真係可以邊嘆茶邊傾計
對於香港人來說, 一餐飯食3個幾鐘真係好奢侈, 不過間中咁樣慢活一下係應該既~ 當比自己休息下向度食飯真係一種享受 , 侍應服務好好, 尤其係女侍應, 每一道菜都好詳細咁解釋材料, 比我地知道廚師落左好多心機去舖排每一個菜式
都好欣賞每一個菜都有佢獨特既層次, 全部都係心思野, 餐飯完全感受到佢地既誠意
食高級菜式黎講, 價錢算是很公道了, 如果向酒店食10道菜一定唔止呢個價! 雖然環境不及酒店高級, 但呢度卻比到人一種如家般舒適又不失優雅的感覺值得向紀念日再來既餐廳
Post
