喜鍋 海鮮‧火鍋‧小廚 (Closed)

天氣都轉左好涼左，趁住仲係冬天，去打個邊爐先。呢期都冇咩去打邊爐，今次係旺角嗰邊近近地去咗喜鍋度打邊爐，本身係比佢個牛魔王塔吸引但係因為我只係同一位朋友去所以就冇揀到黎食，下次一大班人一定要試吓先。因為朋友唔想淨係打邊爐咁單調，所以就叫咗個雞煲，諗住食完「雞煲」都可以打下邊爐。呢間火鍋有好多個唔同嘅湯底，其實見到佢個花膠鯊魚骨膠原鍋幾特別，不過都係下次試拉。我哋試咗有少少辣味既雞煲，出邊好多雞煲食完都會覺得好好口渴，但係喺呢度冇咁嘅感覺，雞肉都非常滑，好味！坐低左之後店員就同我地介紹like Facebook會有日式胡麻冰菜，大家一定要試下因為呢款冷菜口感非常之新鮮，朋友第一次食冰菜都話好味。佢地食物上菜嘅速度都幾快而且種類多。另外我哋都嗌咗「至尊手切本地牛頸脊」，呢款手切又可以見到佢嘅油花非常之靚，而且大大碟性價比極高。牛肉雖然吾系入口即化，但係真係非常嫩滑，有非常濃郁嘅牛肉味，而且唔似出邊啲牛肉冰得非常死實，輕輕一灼已經食得。另外仲帶咗兩個小食，「蟹子墨魚油炸鬼」「越式黃金炸蝦餅」。朋友話出邊食嘅蝦餅通常都係空心但係呢度實心又大舊，值得試一試。新奇又好食嘅一道美食，油炸鬼炸得香脆可