Video
Read full review
2017-12-03
1552 views
中環呢間開業數月嘅小店，雖然門口細細仲要落地庫，睇唔到間鋪係咩樣，但個招牌隻豬仔吸引我上嚟search下到底係食咩嘅😋主打吉列豬，set淨係得豬，睇得出小店對招牌菜信心十足😎另外小食有豬耳、豬雜等，喺香港嘅日本菜唔算常見。叫左支手工啤酒，聞落幾清新，第一下幾易入口，但回返嗰陣味係比較甘啲苦啲嘅。要左一個豚西冷及豬柳同一個豚肉眼定食，配左椰菜絲同少少薯仔沙律。收得二百蚊份量都唔少😛定食仲跟左個麵豉湯，個湯真係好值得一提，平時我都唔係幾大興趣飲個湯，但呢個將紅蘿蔔白蘿蔔同牛蒡切到細細片一齊煲，成個湯係甜左，難得我話正🙈先試豚肉眼，脂肪較多，我諗脂肪同肉嘅比例大概係三七，炸得香脆，但唔會覺得好油膩。再試豚西冷，脂肪同肉好分明，只有少部分喺側邊，但瘦得嚟都完全唔會覺得嚡口，幾啱食👍🏻最後試埋個豬柳，肉質明顯深色啲，完全唔肥，對比下豚西冷會嫩少少。個人口味唔喜歡肥豬肉，所以心水推介係豚西冷。密友話炸豬排都係丼吉稍勝，我又覺得有得揮，唔係連鎖式反而品質會穩定啲，鋪頭細細又幾多日本人捧場，成個感覺都唔錯。見隔離枱食個芝士餡嘅炸豬柳，都好吸引，應該會再嚟嘅！
主打吉列豬，set淨係得豬，睇得出小店對招牌菜信心十足😎另外小食有豬耳、豬雜等，喺香港嘅日本菜唔算常見。
叫左支手工啤酒，聞落幾清新，第一下幾易入口，但回返嗰陣味係比較甘啲苦啲嘅。
要左一個豚西冷及豬柳同一個豚肉眼定食，配左椰菜絲同少少薯仔沙律。收得二百蚊份量都唔少😛定食仲跟左個麵豉湯，個湯真係好值得一提，平時我都唔係幾大興趣飲個湯，但呢個將紅蘿蔔白蘿蔔同牛蒡切到細細片一齊煲，成個湯係甜左，難得我話正🙈
先試豚肉眼，脂肪較多，我諗脂肪同肉嘅比例大概係三七，炸得香脆，但唔會覺得好油膩。
再試豚西冷，脂肪同肉好分明，只有少部分喺側邊，但瘦得嚟都完全唔會覺得嚡口，幾啱食👍🏻
最後試埋個豬柳，肉質明顯深色啲，完全唔肥，對比下豚西冷會嫩少少。
個人口味唔喜歡肥豬肉，所以心水推介係豚西冷。密友話炸豬排都係丼吉稍勝，我又覺得有得揮，唔係連鎖式反而品質會穩定啲，鋪頭細細又幾多日本人捧場，成個感覺都唔錯。見隔離枱食個芝士餡嘅炸豬柳，都好吸引，應該會再嚟嘅！
Post
