Gathering (Closed)

又係放假去郊遊嘅日子啦 今日約咗朋友去南生圍野餐 野完之後緊係順便喺元朗食埋嘢先走 經過呢間gathering見到都幾多人食 於是就入去食 價錢唔算貴同一般西餐廳差唔多 但分量同味道都有驚喜小食叫咗個炸魷魚圈 外面個吉列被炸到脆卜卜 入面係新鮮彈牙嘅魷魚圈 點埋蛋黃醬 口感更加豐富輕煎北海道帶子墨魚汁意大利飯 帶子用上刺身等級 再用輕輕煎一下 等面頭有熟嘅感覺 入面仲係刺身嘅口感 夠曬鮮甜味美 意大利飯用上忌廉同埋墨魚汁去煮 軟硬適中之餘 粒粒飯都被墨魚汁包裹著 墨魚汁唔會太鹹 而且一啲都唔腥 雖然食到個嘴烏卒卒 但夠晒過癮香煎盲鰽魚柳拼阿根廷紅蝦 魚柳煎得嫩滑 個皮仲係脆卜卜 口感豐富 仲可以點埋忌廉汁 令到嫩滑度更加提升 紅蝦比較一般 但係肉質都幾彈牙 下面仲有薯蓉 薯蓉值得一讚非常creamy 而且有奶香味 做得好好 而伴碟仲有翠玉瓜 茄子等嘅疏菜 上面加上芝士去焗 有芝士既咸香 勁好食