Video
Read full review
2016-06-13
1399 views
唔係成日都可以去旅行，唯有每逢假日都去一啲新地方，當自己係遊客咁，遊覽下一啲未去過嘅地方！始終香港仲有好多地方未去過！今次就來堅尼地城，因為有咗地鐵之後真係方便好多！出地鐵後沿路一路行諗住行去海邊行下，沿途好多食肆，見到呢一間日本餐廳好似好正宗，價錢又合理，就入去試吓！兩個人分別點左刺身拼盤同埋壽司拼盤！侍應首先送上熱辣辣嘅麵豉湯，麵豉味剛好，唔太咸，入邊有少少滑滑豆腐同海帶，幾好味，令剛剛淋左小小雨嘅我暖暖身！隨即送上一碟蟹籽沙律！椰菜好鮮甜，蟹籽每一粒都脆卜卜，配上一絲絲嘅蟹柳絲，好醒胃！我同朋友都大讚呢個沙津！然後燉蛋都好快奉上，個燉蛋好香好滑，好似豆腐花咁，不過蛋味十足，最底層仲有一片日本魚蛋、蟹柳同銀杏！日本魚蛋同蟹柳味道都好甜！有響日本食嘅感覺！食完咁多前菜之後，其實我都半飽狀態！點知主菜刺身拼盤同埋壽司拼盤一利原來份量有咁多！刺身拼盤入面有池魚、油甘魚、甜蝦、拖羅、鰹魚、三文魚同劍魚。每樣刺身都有兩片，好豐富！我同朋友share剛剛好！壽司拼盤同樣選擇豐富！呑拿魚腩小卷、海螺、海膽、深海池魚、立魚、三文魚、間八、油甘、拖羅。同朋友share嘅關係我唔係全部都試哂，但食落每
侍應首先送上熱辣辣嘅麵豉湯，麵豉味剛好，唔太咸，入邊有少少滑滑豆腐同海帶，幾好味，令剛剛淋左小小雨嘅我暖暖身！
麵豉湯
89 views
0 likes
0 comments
沙津
40 views
0 likes
0 comments
燉蛋
24 views
0 likes
0 comments
刺身拼盤入面有池魚、油甘魚、甜蝦、拖羅、鰹魚、三文魚同劍魚。每樣刺身都有兩片，好豐富！我同朋友share剛剛好！
刺身定食
27 views
0 likes
0 comments
同朋友share嘅關係我唔係全部都試哂，但食落每一款刺身都好新鮮好肥美又厚，以白魚為多，通常白魚食落都好多筋，但呢一度無，啖啖肉又鮮甜，從舌尖滑入喉嚨！最難忘係海膽食落仲有少少海水味，感覺超新鮮，煥起我響日本食海膽飯嘅感覺。
吞拿魚小卷亦值得一讚！平時我最唔食旁邊嘅小卷，覺得佢係配角，但呢一個吞拿魚腩小卷入口即溶，鮮甜肥美，一啲都唔輸蝕！螺肉好甜唔韌，拖羅同三文魚入口即溶好鮮甜！平時好怕食呑拿魚，覺得好腥，但呢度完全無呢個感覺，好甜！而且每件壽司都唔鬆散，又唔太實，密度剛好！呢一個正正就係考師父功力嘅時候！
當大家都食到好飽之際，估唔到最尾仲有甜品奉上！幸好係一人一粒荔枝糯米糍，嗜甜嘅我都毫不猶豫急急擺入口，用一點甜作呢一餐嘅總結。糯米糍係日本貨，荔枝味雪糕好香滑好清新！外皮煙韌！令我同朋友都感覺完滿！
值得一讚侍應服務好好，不時細心的為我哋添熱茶，又主動講解拼盤內嘅刺身種類！令我地都長知識了！
Post
