黃枝記 (Closed)

黃枝記 黃枝記開店咁耐，一直都未去食過，近月係銅鑼灣開左分店，當然要去朝一朝鮮。裝修優雅精緻，燈火輝煌，餐具簡潔，整體不錯。今次叫左兩款麵食，試下佢聞名已久嘅製麵技術。 牛腩湯麵 - 湯底清澈，牛味不算太濃，沒有味精的感覺。牛腩炆得很淋，肉質不錯。麵質方面，非常爽口彈牙，而烹調時間亦掌握得很好，有咬口。同時亦帶有蛋香味，鹼水味不重，製麵嘅手藝果然高超。 肉絲炒麵 - 這是一款我十分喜歡的廣東傳統麵食，同行的友人竟然表示未曾品嘗過，以為只是普通的炒麵，咁當然要叫黎試一試啦。麵底炸得不錯，沒有油膩感，咸香脆口。芡汁用了肉絲、香菇絲、芽菜和韭黃烹調，非常正宗的做法，不太厚亦不會太稠，個人認為如果調味略微重手點就更好。