糙米家 (Closed)

嗰日同朋友食飯，朋友一向食得好健康，係北角見到一間叫糙米家嘅餐廳，一聽個名就知好健康，所以決定入去試下。　南瓜湯，南瓜味非常香濃。前菜，蘋果粟米沙律，蘋果爽口，粟米香甜。小食，牛蒡，爽脆十分入味。和風絹豆腐南瓜沙律菜，沙律菜新鮮翠綠，豆腐嫩滑，南瓜結實，配上芝麻醬，十分清新。椰香辣汁豬扒糙米飯，豬扒厚身，肉嫩多汁，醬汁有椰香味，加上健康嘅糙米飯，味道一流。絕對係非常健康嘅一餐，注重健康飲食嘅人一定要去試下。