Cook King Cooking (Closed)

今日返工去開紅磡，下午2點先出去食lunch，發現左呢間咁SHARP咁醒神又溫馨ge粉藍色小屋。店舖雖然細細，但睇一睇餐單，都有10幾款套餐選擇。而且精選套餐有幾個沙律set好似幾健康清新，啱哂我呢排食得太多好野食要清減一下的小胖。呢排為左減肥，lunch通常都係食自家雞肉沙律。 因此我二話不說點了一個c餐套餐送湯，是日餐湯係南瓜湯。南瓜茸濃稠，雖然唔係打得非常幼滑，反而令我覺得口感更自然，而且有很清淡的甜味。香草燒雞鮮雜果田園沙律跟和風油醋汁$63平日食得多白烚無味雞，呢個主菜真係令我找回對雞的感情。燒雞肉份量足夠，燒得嫰滑唔會過火。沙律菜很新鮮，加埋有大量生果如火龍果，漬桃，車厘茄，色澤豐富。沙律面頭仲有小量粟米片，添加多一點爽口感；沙律配以和風油醋汁，酸酸甜甜，整個沙律味道和口感都很好，相當開胃。 個人偏見如能以新鮮蘋果代替漬桃會更好。凍咖啡+$10原來係白咖啡...怪不得咁好味!!!!仲要都幾大杯雖則話呢個lunch係食沙律，但係份量充足飽肚，連埋餐湯飲品可以捱到夜晚7點都唔覺肚餓。唔使加一，2點後仲有9折， 以後想食健康餐的紅磡朋友又多個選擇了。