Come撈

Open Now

Now Closed

呢間喺土瓜灣嘅小店主打湯飯，有六款湯飯可以選擇，啱晒鍾意清淡健康嘅人。打開餐牌，見到仲有幾多好吸引嘅小食。今次點左呢兩個湯飯分別係叫「金玉滿船」同埋「蠔門不碎」。金玉滿船入面有好多名貴海鮮，包括鮑魚、海參、魚翅同埋姬松茸，非常養生，都只係賣$88，好抵食。蠔門不碎入面就有冬瓜、蠔仔同埋肉碎。除咗湯飯之外，呢度嘅小食都好正。今次點咗清酒花螺、麻辣鴨舌同埋麻辣雞軟骨。最鍾意就係呢個清酒花螺，花螺彈牙而且充滿充滿酒香味。鴨舌麻麻辣辣，好惹味。