常樂素食 (Closed)

嗰日約咗朋友食飯，但係我朋友係食素嘅，之前有聽到朋友講有一間幾特別，所以咪決定去試吓。我哋大約七點鐘到，可能啲人剛剛放工，仲未係太多人，一去到就有位坐低咗啦。之後望吓個餐牌，發現都有好多選擇架。仲有素食小知識！首先叫咗個紫菜三色卷。入邊有麵包、青瓜同紅蘿蔔，口感非常清新。之後叫咗個雜菇栗子煲，啲栗子好清甜，同其他配料都好夾，仲熱辣辣添。最後叫咗個素雞肉絲飯，哇哇哇好足料，味道仲非常濃郁添。最後梗係要食返個甜品先啦，叫咗個杞子桂花凍，個桂花果凍仲落咗啲玫瑰花，甜度剛剛好。嗰度服務員啲態度仲好好添。