Video
Read full review
2017-08-27
179 views
想食得健康通常都唯有自己煮, 出街食飯都預左多味精又油膩, 今次有朋友介紹呢間新開既營養餐廳, 以多款自家設計既營養食品配搭, 等客人可以有全面營養均衡既食物盒, 無論係食材選用同埋調味料都係負責人比心思去設計過, 所以食得好放心。 身為澱粉質控, 餐餐都要有飯/包/蕃薯呢啲, 有時真係唔明點解啲女仔可以淨係食個沙律就減到肥…我一定唔飽。呢到雖然話係健康, 但一啲都唔會省郤左澱粉質呢一環, 反而係花心思係製造具特式既飯選擇呢!!! 飯有三種選擇, 分別係糙米藜麥飯, 椰子油飯同黃薑飯, 其實我個人唔中意食白飯, 即使係屋企都係食糙米紅米, 呢到有糙米呢種低GI值既米飯, 更添加左superfood藜麥入去, 成本高但健康呢!咬落飯粒唔會太硬, 就算食唔慣糙米既朋友都應該唔難適應, 另外既椰子油飯亦散發出淡淡椰子味, 唔算太濃, 黃薑飯亦係有益之選, 因為黃薑粉既刺激可以速進身體既新陳代謝, 我自己都有買黎食! 除左澱粉質, 蛋白質亦係同樣重要, 除左增強到飽足感之外, 最重要係想保持好既身型, 就一定要有足夠肌肉, 即使日日做運動, 如果無足夠既蛋白質攝入, 流失既只會係肌肉, 呢到就
身為澱粉質控, 餐餐都要有飯/包/蕃薯呢啲, 有時真係唔明點解啲女仔可以淨係食個沙律就減到肥…我一定唔飽。
呢到雖然話係健康, 但一啲都唔會省郤左澱粉質呢一環, 反而係花心思係製造具特式既飯選擇呢!!! 飯有三種選擇, 分別係糙米藜麥飯, 椰子油飯同黃薑飯, 其實我個人唔中意食白飯, 即使係屋企都係食糙米紅米, 呢到有糙米呢種低GI值既米飯, 更添加左superfood藜麥入去, 成本高但健康呢!
咬落飯粒唔會太硬, 就算食唔慣糙米既朋友都應該唔難適應, 另外既椰子油飯亦散發出淡淡椰子味, 唔算太濃, 黃薑飯亦係有益之選, 因為黃薑粉既刺激可以速進身體既新陳代謝, 我自己都有買黎食!
除左澱粉質, 蛋白質亦係同樣重要, 除左增強到飽足感之外, 最重要係想保持好既身型, 就一定要有足夠肌肉, 即使日日做運動, 如果無足夠既蛋白質攝入, 流失既只會係肌肉, 呢到就有好多肉類選擇, 令我呢個食肉獸好想試哂佢!!protein 一共有五款咁多, 有匈牙利燉牛肉, 咖哩雞, 香炒豬肉同埋鴨胸, 全部色彩鮮艷望落好吸引, 決定mix埋佢黎試, 每款都好有驚喜呢!
最吸引我係咖哩雞, 鮮黃色既雞肉, 咖哩味道相當濃郁, 出乎意料地滑身!!欣賞廚師因為健康所以以greek yogurt取代左椰漿, 但味道依然香濃! 另外牛肉亦燉得相當入味, 一咬即散既質感更證明左燉炆既時間一定好長!
蔬菜部份有6款之多, 青瓜粒同蘿蔔雜菜都係較清淡之選, 有我最愛既西蘭花, 煮得好乾爽清脆, 好耐無食過咁fresh既西蘭花喇!!不過椰菜花配四川辣呢個配搭對我黎講就辣左D, 但估唔到有枝豆, 又有飽足感又有益, 另外都推介南瓜, 除左本身中意南瓜呢個原因之外, 配搭左羽衣金蘭呢種近年好興既蔬菜, 營養價值又再加分~
連調味料都有好多選擇呢! 其實本身飯己經有味道, 但想增添口味可揀日式飯素, 仲有得揀辣, 如果想清淺啲可以揀芝麻或者紫菜絲呢!
成日食重口味又大食量既我, 食完呢個meal box都覺得回味無窮同飽!!! 感受到每一款既食材都係店主悉心排選同配搭過, 同店主傾過, 原來佢曾經由好肥變好瘦, 經歷過體重既大起大落, 領悟出進食都可以味道與健康兼得, 所以決定同丈夫將呢個idea spread開去, 難怪食物如此高質!
呢到設計夠時尚簡單, 而且廚房開揚, 以大大既玻璃窗做相隔, 見到連廚房都好乾淨, 食物每日新鮮製造唔留過夜, 覺得食得放心~
Post
