Vegtopia Café (Closed)

同事提議試新野，今次健康少少，去左間新開嘅越食素菜餐廳。餐廳都係位於工廠大廈樓上，諗住佢又新樓下又冇招牌介紹，應該冇咩人識「貢」上黎，結果又唔係喎，上到去都坐左幾台客。店內環境好清新，好多綠色植物同埋小擺設，感覺舒適。餐牌選擇唔多，可能餐廳仲係新，好多菜色都刪走左。我叫左個秘制越南扎肉湯粉，同事叫左個喇沙湯米線。扎肉湯粉好大堆頭，好幾款雜菜，未食都覺得好健康。主打嘅札肉口感比較散，同埋胡椒味比較重，我個人都係鍾意食真札肉多啲。湯底比較清，同事試左啖覺得太淡口。同事叫嘅米線，顏色賣相唔錯，佢話都夠味，而且份量多，食完一碗飽晒。