中間道酒吧

Open Now

Now Closed

Lunch time約咗個舊同事，佢推薦公司附近嘅中間道酒吧，最近推出全新健怡午市套餐，有齊餐湯、主菜、咖啡或茶，仲可以選配自助甜品，性價比超高🌟是日餐湯係蘑菇忌廉湯，綿滑香濃，熱辣辣特別好飲！另有兩款餐包，質地軟熟充滿麥香。主菜都有頗多選擇～今日想食steak又想食包，呢款澳洲和牛肉眼扒三文治岩哂我！厚切澳洲和牛肉眼扒肉質細嫩，脂肪紋理分佈均勻，口感柔軟多汁；伴碟仲有爽脆沙律菜～鍾意食甜品嘅朋可以另加任點任食倚窗閣自助甜品，唔洗$100就可以食到多款甜品，超抵！午市套餐供應時間：星期一至五 上午11時30分至下午2時30分