慵懶生物

Open Now

Now Closed

整整一個2月都冇見過任何朋友，大部份時間都喺屋企食，其實都幾悶。到左週六日假期特別想外出，2月最後一日黎到九龍城。對呢間咖啡店印象幾深刻，因為第一次黎就係舊年新年，當時都幾鐘意呢度嘅環境。而家食物選擇多咗，又係歡迎毛孩嘅咖啡店，所以假期就更加多人喇腐乳卡邦尼意粉 $88 (配飲品半價)士多啤梨雲石芝士蛋糕 $58焙茶拿鐵 +$29卡邦尼配搭腐乳，有趣；醬嘅份量唔多，意粉入口仲幾爽身，雖然少左一般卡邦尼嘅creamy感，但食落有微微辣度，惹味嘅~~餐點份量唔多，裡頭只有少量煙肉，未食正餐嘅話可能會唔夠飽。芝士蛋糕切得頗大件，消化餅底厚身，忌廉芝士蛋糕香滑，以果醬做出雲石紋，有酸酸甜甜士多啤梨味。只係蛋糕本身質感偏結實，未至於令我想一口接一口食。焙茶拿鐵以凍飲版本黎講算幾濃郁唔甜，茶粉已融合，好飲呢。