Return Coffee House (Closed)

假日想做偽文青，從來都唔易。想去coffee shop度扮下陳豪嘆咖啡，又迫又多人。去公園去沙灘玩野餐曬日光浴，冬天又怕冷親。想要威又要帶頭盔，惟有去的無人去既地方。但係無人去代表無生意，有舖頭開咩？原來又真係有喎! 眾所周知工業區入面既餐廳都係跟office hour 開放，偏偏呢間cafe 放假都開，仲要主打係賣咖啡，完全開正我果範。一入鋪頭，裝潢好有個性，枱面仲放左好多座獎杯。而重點係人唔多，可以慢慢坐。Menu咖啡選擇唔算多，我叫左杯coffee tonic，順道叫左個煙三文魚三文治醫肚。佢咁啱係下午茶優惠，三文治1個65，加10蚊就有杯特色咖啡飲啦。Coffee tonic，賣相很好，一杯係tonic，一杯係expresso(應該可以咁樣理解吧?)，可以按自己既喜好去調配份量。未溝埋之前，先分開試兩杯既味道，tonic 飲落似7喜味梳打水，而expresso則略帶果酸(類似雲南小豆咖啡既味道)。配合起上黎味道幾清新幾特別。我就覺得唔錯，不過朋友就覺得似係酸菜味咖啡啦。好唔好飲，要視乎各位口味。煙三文魚三文治，外表美味，內涵充足。除左有煙三文魚，仲有厚切蕃茄，蛋沙律同菜，而且都