Video
Read full review
2010-04-20
21 views
好友小休復出…”重出江湖”(哈!)之前邀約齊齊食個飯, 又想起久久未嚐北京片皮鴨…星期五晚訂座吾易, 好在手快快打電話去仲可以爭到一小席位!!...對上一次o黎哩度已經係近一年前, 果次周六食午餐, 氣氛休閒得多…今次晚上到o黎, 先見識到果種迫爆緊張場面...未坐穩, 服務員就想你快快點菜...樓面小, 檯同檯之間幾乎冇通道...嘈得厲害!!!...自己一小檯人坐得咁近距離...傾計亦要拆破喉嚨啊!!...被氣氛帶動, 情緒放不鬆下來...冇晒心情慢慢睇菜譜...6個人就來個HK$608六人套餐吧!!...包括有想食o既鴨就得o勒!!...明明冇o野要急o既我, 都吾知做乜變到趕住去邊咁…要提醒自己冷靜一下調整心情…真要命!!...檯面細細...上菜速度驚人…服務員團團轉好忙, 我地同樣好忙…忙住騰出位置, 忙住送食物入口…anyway, 以下係套餐內容：雞絲粉皮…量足料多, 粉皮夠涼夠爽, 雞絲嫩, 附麻醬大碟但芝麻味吾算香濃...想惹味點,亦可放芥末醬;鴨骨湯…賣相真真麻麻, 令我聯想起澡堂水(!!)...一大鍋滾熱辣的, 用上大量津菜同鴨骨熬成…夠甜的了!!...北京填鴨…片好
對上一次o黎哩度已經係近一年前, 果次周六食午餐, 氣氛休閒得多…今次晚上到o黎, 先見識到果種迫爆緊張場面...未坐穩, 服務員就想你快快點菜...樓面小, 檯同檯之間幾乎冇通道...嘈得厲害!!!...自己一小檯人坐得咁近距離...傾計亦要拆破喉嚨啊!!...
被氣氛帶動, 情緒放不鬆下來...冇晒心情慢慢睇菜譜...6個人就來個HK$608六人套餐吧!!...包括有想食o既鴨就得o勒!!...明明冇o野要急o既我, 都吾知做乜變到趕住去邊咁…要提醒自己冷靜一下調整心情…真要命!!...
檯面細細...上菜速度驚人…服務員團團轉好忙, 我地同樣好忙…忙住騰出位置, 忙住送食物入口…anyway, 以下係套餐內容：
雞絲粉皮…量足料多, 粉皮夠涼夠爽, 雞絲嫩, 附麻醬大碟但芝麻味吾算香濃...想惹味點,亦可放芥末醬;
鴨骨湯…賣相真真麻麻, 令我聯想起澡堂水(!!)...一大鍋滾熱辣的, 用上大量津菜同鴨骨熬成…夠甜的了!!...
北京填鴨…片好o既一大碟上, 大小厚薄均勻, 皮身未算色澤誘人但肉質還夠嫩有肉味, 算可口!!...大疊包餅係微温的…夠薄吾乾, 吾錯呀!...甜醬大蔥段等佐料各兩碟, 足夠矣!!
宮保大蝦…大大個蝦球, 新鮮彈牙!!...炸夠香口, 配上甜甜o既宮保醬, 好醒胃!!...食左3, 4球呢!!!嘻嘻…
賽螃蟹…哩個人人讚好!!...相對較細碟頭…炒得好嫩滑又吾油, 加少許黑醋...食味更突出!!
小籠包…吾係用蒸籠上, 一碟十隻, 一下子就放涼…皮夠薄, 肉餡多但過咸又腍…麻麻地!!
蒜茸小白菜…家常小炒一道, 冇難度o既呢!!
高力豆沙…例牌附送o既甜品!!...吾多喜歡只因高力豆沙吾係”賣飛佛”…但個豆沙餡係ok架!!
整餐飯由坐低點菜至埋單(連茶芥小費HK748)以一小時十五分鐘內完成!!…其間碟都未清, 服務我地檯果兩位大叔已經叫我地”拍硬檔”埋單…其中一位友善, 一位就態度語氣認真差, 叫我地”食快D”??!!!!…只因外面樓梯已見人龍等候…生意做吾切!!!......食到咁急咁趕!...咩珍饈百味都咁話呀!!...
哩一餐食到滾水淥腳咁…快到覺得去坐真正o既快餐廳都仲游閒D哇…真係平平地去”麥記”飲杯cappuccino, 話吾埋仲分分鐘有機會撞倒陳豪添呀!!
Post
