Video
Read full review
2021-11-08
1180 views
今日同一班舊同學一齊行山，之後梗係去食飯啦！話時話入夜後嘅元朗都幾多好嘢食，但講到圍飯，為咗可以一枱12人食飯，我哋最後揀咗大榮華酒樓食飯！拔絲咕嚕肉（$108）一份好嘅咕嚕肉應該將排骨生炸，然後淋上酸酸甜甜嘅醬汁，加埋菠蘿、三色椒咁就完美，今晚我覺得爭咗菠蘿🍍，有啲可惜蒜香金沙焗生蝦（$108）呢個鹹蛋味唔會好重，但係都非常惹味，金沙鋪滿成隻大蝦，剝咗殻之後原來都幾入味，但仍然食到蝦嘅鮮味，亦都非常之爽口彈牙👍豬油撈飯（ $11 ）呢間餐廳出名食咩？當然係豬油撈飯啦，我同buddies叫咗8碗飯大家share，瓦煲上，熱辣辣好鬼死正呀！小小分享：一碗好嘅豬油撈飯應該係一碗熱辣辣砵仔飯再加兩茶匙豬油，加埋頭抽咁就Perfect ！椒鹽九肚魚（$98）呢間酒樓唔會同你孤寒，九肚魚大大件夠晒攝牙罅，件件香脆可口，配合埋喼汁一流👌雞蛋焗魚腸（$98）一啲都唔腥，仲好有風味👍龍躉魚丸浸菠菜（$98）最初以為真係有龍躉😂😂😂，餐餐食濃味嘢唔掂喎，要清菜調劑下，中規中矩啦。甜酸酥炸大腸（$98）脆卜卜不在話下，佢洗得乾淨先係重點，食得安心又放心😌——————為食分界線——————大榮華酒樓 (元朗
拔絲咕嚕肉（$108）
一份好嘅咕嚕肉應該將排骨生炸，然後淋上酸酸甜甜嘅醬汁，加埋菠蘿、三色椒咁就完美，今晚我覺得爭咗菠蘿🍍，有啲可惜
蒜香金沙焗生蝦（$108）
呢個鹹蛋味唔會好重，但係都非常惹味，金沙鋪滿成隻大蝦，剝咗殻之後原來都幾入味，但仍然食到蝦嘅鮮味，亦都非常之爽口彈牙👍
豬油撈飯（ $11 ）
呢間餐廳出名食咩？當然係豬油撈飯啦，我同buddies叫咗8碗飯大家share，瓦煲上，熱辣辣好鬼死正呀！
小小分享：一碗好嘅豬油撈飯應該係一碗熱辣辣砵仔飯再加兩茶匙豬油，加埋頭抽咁就Perfect ！
椒鹽九肚魚（$98）
呢間酒樓唔會同你孤寒，九肚魚大大件夠晒攝牙罅，件件香脆可口，配合埋喼汁一流👌
雞蛋焗魚腸（$98）
一啲都唔腥，仲好有風味👍
龍躉魚丸浸菠菜（$98）
最初以為真係有龍躉😂😂😂，餐餐食濃味嘢唔掂喎，要清菜調劑下，中規中矩啦。
甜酸酥炸大腸（$98）
脆卜卜不在話下，佢洗得乾淨先係重點，食得安心又放心😌
——————為食分界線——————
大榮華酒樓 (元朗)
元朗安寧路2-6號2樓
推介指數 🤰🤰🤰🤰🤰(5/5)
好味指數 🤰🤰🤰🤰🤰(5/5)
抵食指數 🤰🤰🤰🤰🤰(5/5)
環境推介 🤰🤰🤰🤰🤰(5/5)
人均消費： $80
Post
