Kim's Bowl (海港中心) (Closed)

曾經何時我每天都從灣仔坐船返尖沙咀，今日有機會重拾昔日情懷，經過海港中心見到有兩間韓國菜餐廳，一前一後原來係同一個老闆，不過菜式有點不同，最後幫襯了呢間Kim’s bowl幫兩個便當。要左個韓式健康拌飯（$68）同一個照燒雞肉（$72），配一杯柚子和一杯青橘子。餐廳內有一行長枱可坐，不過我選擇外賣，等待一會兒已經pack好走得。韓式拌飯一打開就聞到紫菜香氣，內有煎蛋、泡菜、翠肉瓜、芽菜、蘿蔔絲、波菜等配以牛肉，感覺很傳統，雖然我沒有拌附送的辣醬，但泡菜本身也帶點辣，整體來說味道都不錯。另一個照燒雞肉便當，雞肉有幾片，略為乾了點，但味道可以，另外有韓式粉絲、泡菜和一些蔬菜如翠肉瓜和蓮藕片，還有兩顆鶉蛋和一堆黑色的豆，黑豆結實有味，我幾鍾意。黑芝麻加白飯，加上濃味的特製醬汁後更好吃！另外兩杯飲品都不錯，夠哂味！