Video
Read full review
2008-01-25
8 views
13Jan2007 1945這間食店係我第2次來，今次有19人共聚後巷集體燒炭。這裡可以選擇拾下拾下或者BBQ，亦可一齊，唔一齊黎就變得冇意義！醬料除指定動作的豉油及指天椒外，還有用作配合燒物的自家製蒜容辣椒醬、油及蜜糖一碗。燒物共點了鮑魚、蜆、鱔圈、象拔蚌、雞腎、雞軟骨及五花腩。鮑魚放在爐上還是活生生的，燒時出現爆漿情況，部份食友有少少驚惶失醋，見得多就見怪不怪；蜆鮮味比起其他稍為差一點點，亦理解到這是正常，落少少蒜蓉辣椒醬會正好多；鱔圈新鮮肥美，燒完後即食，比起落醬好好多，如新鮮度同鱔片一樣，這個圈圈仲會食得過隱；象拔蚌連殼及海水一齊燒，落埋醬料一齊更加美味；雞腎及雞軟骨不是出面咁細到阿媽唔認得，多得「燒烤大王」悉心照顧先有咁好味；五花腩不是我地平時去街巿賣一大舊，而是切片形式，肥舊都係在圓圈外圍連貫到中心點，雖則不是新鮮，燒時有自己豬油幫手，味道以豬肉來說已經不錯。至於火鍋方面，共點了豬骨及魔鬼魚。魔鬼魚上回食完印象深刻不用多說，而豬骨湯不肥膩，飲落鮮甜，難怪有人要「近」豬頭骨；肥牛及鹿肉去邊度打邊爐都係指定動作，味道起碼唔會標榜任食級質素先，其他肉類真係數之不盡到我唔記得，咁多
這間食店係我第2次來，今次有19人共聚後巷集體燒炭。這裡可以選擇拾下拾下或者BBQ，亦可一齊，唔一齊黎就變得冇意義！醬料除指定動作的豉油及指天椒外，還有用作配合燒物的自家製蒜容辣椒醬、油及蜜糖一碗。
燒物共點了鮑魚、蜆、鱔圈、象拔蚌、雞腎、雞軟骨及五花腩。鮑魚放在爐上還是活生生的，燒時出現爆漿情況，部份食友有少少驚惶失醋，見得多就見怪不怪；蜆鮮味比起其他稍為差一點點，亦理解到這是正常，落少少蒜蓉辣椒醬會正好多；鱔圈新鮮肥美，燒完後即食，比起落醬好好多，如新鮮度同鱔片一樣，這個圈圈仲會食得過隱；象拔蚌連殼及海水一齊燒，落埋醬料一齊更加美味；雞腎及雞軟骨不是出面咁細到阿媽唔認得，多得「燒烤大王」悉心照顧先有咁好味；五花腩不是我地平時去街巿賣一大舊，而是切片形式，肥舊都係在圓圈外圍連貫到中心點，雖則不是新鮮，燒時有自己豬油幫手，味道以豬肉來說已經不錯。
至於火鍋方面，共點了豬骨及魔鬼魚。魔鬼魚上回食完印象深刻不用多說，而豬骨湯不肥膩，飲落鮮甜，難怪有人要「近」豬頭骨；肥牛及鹿肉去邊度打邊爐都係指定動作，味道起碼唔會標榜任食級質素先，其他肉類真係數之不盡到我唔記得，咁多肉始終要有菜調劑一下，記憶之中有豆苗及菇。當晚實在盡慶，有賴各方全情投入。
埋單唔駛兩舊水，還要多謝幾支酒的主人。深信08年度總有一場係附近，但對我來說或是後會無期了。
Post
