Niksen Koffie (Closed)

今日約咗好耐冇見嘅朋友 我哋去咗黃埔呢間餐廳 去到門口有好大棵聖誕樹 ， 週圍環境已經有聖誕裝飾， 地方好寬敞， 冇壓迫感 ，唔會枱與枱之間好近， 一邊食一邊傾計幾好嘅地方。我哋兩個人 叫咗 三文魚椰菜花藜麥飯， 件三文魚好厚，煎得好香外皮有少少脆， 又唔會油淋淋😋， 第一次食椰菜和藜麥代替白飯， 感覺上好健康都好有飽肚感，口感特別 椰菜花爽和藜麥煙韌 幾好食。 芫茜羅勒醬 雜菌意粉 ， 一嚟到已經問到好香， 已經等唔切要立即食，材料只係雜菌 和羅勒醬 雖然材料簡單，但係味道一啲都唔簡單，真係好香麵意大利粉好彈牙。最後真係唔少得甜品😋我哋叫咗杯 士多啤梨乳酪抹茶芭菲， 芭菲好靚 唔捨得食🤭 真係要一層層品嘗， 我先食咗拿破崙 好脆 中間係吉士醬， 唔係好甜 好味😋 之後就 開始食雪糕，底層有抹茶啫哩和一些脆片， 好食好滿足。