僕之拉麵 (Closed)

平時食開拉麵嘅叉燒份量都係一塊起兩塊止，今日呢碗拉麵整係圍邊都已經有十塊肉，啲肉多到麵都夾唔到出嚟食，誇張。𖦹 特選拉麵 $138 有1.5倍嘅日式叉燒同埋特色焦香火炙半肥瘦叉燒！驟眼睇成條鰻魚咁長，肉味的確濃郁，可惜韌咗啲。另有紫菜、香蔥、味荀及有溏心效果嘅味付雞蛋，拉麵曲身偏硬，口感彈牙，豬骨清湯毫不油膩。𖦹 肉愛食者拉麵 $120   肉量TRIPLE！以叉燒片圍住碗邊，開宗明義地同大家講：我就係滿滿的肉！仲有一粒粒嘅角切叉燒以及上面碗麵都有嘅配料，非常足料。𖦹 炸章魚 $30呢個我同朋友都喜歡，炸章魚炸粉薄，外脆內軟，食落爽口彈牙️️。𖦹 炸章魚丸 $30 丸子炸至金黃色，賣相討好，記得趁熱點沙律醬食呀。