皇冠冰室 (Closed)

嗰日開完會，諗住喺附近嗰間顏色茶店簡單食個下午茶，點知間店門外竟然大排長龍。由於我地趕時間，就行遠少少去咗呢間「皇冠」，冇人排隊不特止，入到去仲有很多座位。對於唔想排隊等位嘅人士就啱曬喇！我地快速揀咗自己嗰份下午茶，我嗰份係吉列魚柳配薯條。魚柳唔算大塊，但勝在魚肉夠雪白嫰滑，似乎都幾新鮮。薯條幾脆，而且仲附帶兩包獨立包裝嘅地捫茄汁，以防止公用支裝茄汁時會感染細菌病毒。此舉頗讚！每份茶餐都比起顏色茶店貴平均五至十蚊，因此冇人排隊都係正常嘅！