東京迴轉壽司 (Closed)

金太郎、元綠、大久保、明將等一直在我心中「最差壽司排行榜」上佔一席位..今日之後要加多間—東京迴轉壽司。本來同男朋友想去食半價ge一壽司..點知九點去條人龍已經好恐怖..去峰又有50張檯o係前面..揀無可揀就去左東京迴轉..以前都有食過兩三次..水準係算唔錯..點知今次去真係令人失望..三文魚、吞拿魚都唔新鮮..size係幾大塊ge..唔好食大塊有咩用？帆立貝係比璣燒元貝d元貝..象拔蚌細塊到死..無味就如金太郎一樣..係擦子膠一舊...呢間野唯一可取係軟殼蟹手卷...軟殼蟹幾肥美..但炸生壕就不敢恭維..記得第一次去羽壽司食o個時好震撼..羽壽司o個d入口即溶..呢度o個d都唔知點去形容..就係沒啥特別..食完唔會有感覺..價錢一碟三文魚要盛惠$14大元..仲貴過比佢出名多多聲ge板前、峰等..我同男朋友食完都blacklist左佢..一定無下次了。後話：今餐食左二百幾蚊..同之前半價一壽司差唔多價錢..但一壽司食完又飽又好味...呢度就係到喉唔到肺..想去ge話勸你唔好抱太大期望。