Video
Read full review
2018-11-10
804 views
※本文以用餐當日的環境、服務和食物質素為準，口味亦因人而異，文章只作參考之用。-香港真係一個美食天堂，想食邊國菜式都不愁無得選擇，銅鑼灣更係眾多餐廳既集中地，包括呢間專食大阪炸串的JunG39。餐廳的裝潢好似日式居酒屋，燈光較為昏暗；店內有唔少啤酒同焼酎選擇，放工後黎小喝一番食返幾枝炸串都唔錯！店內大部分都係日本人，連客人都有好多係日本人 (當日不停聽到客人說日文)，亦都有識講廣東話的店員，店員態度很親切，完全不用擔心溝通上問題。餐牌有兩頁，一頁係各款炸串既餐牌，另一份有齊沙律、小食、炸物、食事和甜品等。先來一杯夏日冰涼感既Frozen Beef $68、烏龍茶 （忘記價錢），啤酒是男人點的，上層的泡泡好似雪糕，賣相可愛！啤酒除左原味，仲有百香果、西柚和藍橙皮等果味可選擇。先來一客送酒枝豆 $38大陂傳統料理土手煮 $38當日係面豉牛筋，牛筋燘得夠腍，搭配面豉醬順滑惹味，當中的蒟蒻質感爽口，男人話配白飯一流！和牛卡爾帕喬 $118用上高質既鹿兒島A4和牛，肉質入口軟滑肉味濃，仲搭配左醒胃黑醋、橄欖油同忌廉芝士，食落更加滋味。餐廳出名日本炸串，有多款唔同炸串可以選擇，我地揀左五花肉、特選
-
香港真係一個美食天堂，想食邊國菜式都不愁無得選擇，銅鑼灣更係眾多餐廳既集中地，包括呢間專食大阪炸串的JunG39。
餐廳的裝潢好似日式居酒屋，燈光較為昏暗；店內有唔少啤酒同焼酎選擇，放工後黎小喝一番食返幾枝炸串都唔錯！店內大部分都係日本人，連客人都有好多係日本人 (當日不停聽到客人說日文)，亦都有識講廣東話的店員，店員態度很親切，完全不用擔心溝通上問題。
餐牌有兩頁，一頁係各款炸串既餐牌，另一份有齊沙律、小食、炸物、食事和甜品等。
先來一杯夏日冰涼感既Frozen Beef $68、烏龍茶 （忘記價錢），啤酒是男人點的，上層的泡泡好似雪糕，賣相可愛！啤酒除左原味，仲有百香果、西柚和藍橙皮等果味可選擇。
先來一客送酒枝豆 $38
大陂傳統料理土手煮
$38
63 views
0 likes
0 comments
大陂傳統料理土手煮 $38
當日係面豉牛筋，牛筋燘得夠腍，搭配面豉醬順滑惹味，當中的蒟蒻質感爽口，男人話配白飯一流！
和牛卡爾帕喬
$118
48 views
0 likes
0 comments
和牛卡爾帕喬 $118
用上高質既鹿兒島A4和牛，肉質入口軟滑肉味濃，仲搭配左醒胃黑醋、橄欖油同忌廉芝士，食落更加滋味。
炸串
45 views
0 likes
0 comments
餐廳出名日本炸串，有多款唔同炸串可以選擇，我地揀左五花肉、特選牛、雞腿肉、魷魚、紅姜片 各$18；每串都會裹上一層超薄炸粉拎去炸，最重要係炸完食落唔覺熱氣，油都唔多滴，食落非常乾爽既炸串，連一旁的日本野菜都好脆口好甜，非常高質！
蘆筍 $12，小妹超愛蘆筍，咬落鮮甜多汁，忍唔住再叫多串！五花肉食落香口富肉汁、特選牛是意想不到的牛味濃、仲有比較少見的紅姜片，食落又唔會好辣，味道容易入口。炸串仲另附上特製醬汁，蘸上後更覺惹味！
日本雞蛋豬肉卷
$30
61 views
0 likes
0 comments
日本雞蛋豬肉卷 $30
呢款必叫雞蛋豬肉卷，用煙肉包住半熟蛋拎去炸，切開後雞蛋黃仍呈半熟狀態，賣相吸引，食落蛋味濃郁，咀嚼中又滲出點脂香，好食又唔貴！
大阪代表美食章魚仙
$38
40 views
0 likes
0 comments
大阪代表美食章魚仙 $38
餐廳名身之一，章魚燒底下放了一大片蝦餅，店員建議我地將章魚燒連同蝦餅一齊食，口感豐富左；章魚燒至外脆內軟，味道已經相當唔錯；不過塊蝦餅好快比醬汁整腍左，質感變韌，要搣開黎食較為困難。
黑松露伴魚蓉 $45
由於炸串太美味關係唔太夠喉，我地再加單叫左呢款價錢稍高少少的黑松露魚蓉，咬開看到不少黑松露，但食落同魚蓉好似唔太夾，這款較失望。
G39咖哩飯 $78
咖哩飯會隨機跟炸串，今次有蔬菜串同蘆筍豬肉卷；咖哩入口係日式甜辣，辣味會慢慢湧上，會愈食愈辣，而且仲幾惹味添。
Post
