Delish (Closed)

佢係商場裡面嘅open area所以有啲嘈。今日去都仲係做緊85折。侍應服務好，有禮貌。晚餐叫咗比目魚、漢堡、同和風meat lover pizza. $180-$200一份。出餐有啲慢。需要等大概半個鐘。不過我唔趕時間。最緊要係好味。漢堡偏細。塊漢堡扒大概8cm闊。啲薯條炸得好脆，外面包左一層炸粉，好好味。比目魚煎得好香口。伴碟嘅菜做得好出色。薯蓉好香。好鍾意佢伴碟嘅蕃茄仔。煮得好好味。個Pizza係薄皮嘅。雖然話係10吋，但一啲都唔會好飽肚。好香好好味。唔會好油膩。雖然出餐出得慢，但勝在質素高。