Video
Read full review
2023-04-23
222 views
今日同朋友約咗去西九文化大劇院睇舞台劇，諗住放工時間快食一個晚餐，點知俾我哋搵到喺圓方有比較親民嘅茶餐廳，所以去試吓。睇佢哋個餐牌都幾大眾化，而且款式都算好多，我哋兩個叫咗黯然銷魂飯($98)同埋星洲咖喱雜菜牛肋骨配意粉($98)。黯然銷魂飯($98): 上菜用個盤上，配有一細碟粟米同埋秘製醬油。叉燒有成吋幾厚，一共有四舊，烤得有少少燶邊，而且蜜汁亦都好夠，仲配上兩隻流心蛋，同朋友一人一隻嚟撈飯，加上秘製醬油，真係幸福嘅感覺！叉燒係半肥瘦嘅，食落口好鬆化。同埋加咗啲粟米落去飯入邊，感覺又幾新奇，以為會唔夾，點知出嚟效果又可以接受。餐飲叫咗港式奶茶，茶味都幾濃。仲要一提嘅係個飯底好多，因為個碗好大碗，我哋兩個女仔食咗兩碗飯都仲有淨。星洲咖喱雜菜牛肋骨配意粉($98): 純粹因為已經叫咗一個飯，所以叫咗意粉。個人覺得原來意粉都幾夾，但係朋友話配飯先係最正宗。上菜嘅時候淨係見到雜菜喺咖喱上面，以為冇乜料到，點知底下全部都係牛肋骨，起碼有七至八嚿。自己覺得叫牛腩比較貼切，因為真係一啲骨都冇，都整得幾鬆化，而且一咬就甩，好淰，而且都好入味。雜菜份量唔算太多，始終主角都係牛肋骨。凍檸茶($3)正正
今日同朋友約咗去西九文化大劇院睇舞台劇，諗住放工時間快食一個晚餐，點知俾我哋搵到喺圓方有比較親民嘅茶餐廳，所以去試吓。睇佢哋個餐牌都幾大眾化，而且款式都算好多，我哋兩個叫咗黯然銷魂飯($98)同埋星洲咖喱雜菜牛肋骨配意粉($98)。
黯然銷魂飯($98): 上菜用個盤上，配有一細碟粟米同埋秘製醬油。叉燒有成吋幾厚，一共有四舊，烤得有少少燶邊，而且蜜汁亦都好夠，仲配上兩隻流心蛋，同朋友一人一隻嚟撈飯，加上秘製醬油，真係幸福嘅感覺！叉燒係半肥瘦嘅，食落口好鬆化。同埋加咗啲粟米落去飯入邊，感覺又幾新奇，以為會唔夾，點知出嚟效果又可以接受。餐飲叫咗港式奶茶，茶味都幾濃。
仲要一提嘅係個飯底好多，因為個碗好大碗，我哋兩個女仔食咗兩碗飯都仲有淨。
星洲咖喱雜菜牛肋骨配意粉($98): 純粹因為已經叫咗一個飯，所以叫咗意粉。個人覺得原來意粉都幾夾，但係朋友話配飯先係最正宗。上菜嘅時候淨係見到雜菜喺咖喱上面，以為冇乜料到，點知底下全部都係牛肋骨，起碼有七至八嚿。自己覺得叫牛腩比較貼切，因為真係一啲骨都冇，都整得幾鬆化，而且一咬就甩，好淰，而且都好入味。雜菜份量唔算太多，始終主角都係牛肋骨。
凍檸茶($3)正正常常茶餐廳凍檸茶，不過都幾大杯。
總結：份量好大份，就算男仔自己一個食都應該幾飽幾滿足。而且喺圓方呢個商場我覺得呢間舖頭都算比較價錢親民，而且食物都有返咁上下質素嘅。我哋放工時間去，都差唔多坐滿晒人。用qr code落單，唔收加一，侍應態度都好親切，下次都可以再黎。同埋覺得比一般茶餐廳感覺上較光猛同埋好乾淨。
Post
