春水堂人文茶館 (創紀之城五期(apm))

Open Now

Now Closed

平時出去食飯幾唔好食都唔會寫食評，不過今次忍唔住要寫。我係星期一下午2點幾入座，唔洗排隊又唔係滿座，但係d服務員帶位態度好差，又無帶位又hea。手機落單牌就咁飛落張枱到。之後叫左一個紅燒半筋半肉牛肉麵同鹽酥雞翼便當。牛肉麵係正常OK，湯濃郁，牛肉分量都多。但個便當好差，主角係個雞翼但竟然係無味，係一d咸味都無又無雞味，淨係得炸粉既味道🤢🤢🤢如果唔係有個滷肉，成個飯都唔知點食。個便當賣成99蚊，但個質素完全唔值呢個價。建議大家要食春水堂可以淨係叫牛肉麵，便當真係不了。