初味

Open Now

Now Closed

朋友話帶咗我去食好嘢，佢就好嘴刁嘅，所以我都唔問佢食乜啦，因為通常佢話食得過嘅都唔會係難食架喇，差極都有個譜。約咗喺炮台山站等，咁我就跟住佢行啦。邊行邊問係食咩國家嘅菜式，佢就話係食西餐，話水準好高，價錢又合理。每人大約3百蚊都已經食到好飽，可以叫到幾道菜，講到好抵食。餐廳喺條小街入面，門口唔大不過內裡都有唔少枱，walk-in都唔怕無位。環境寧靜舒適，感覺可以坐好耐慢慢傾計。點咗龍蝦湯，味道濃郁，飲得出係用炒過嘅龍蝦去煮，好好味。牛油焗田螺，驚喜係薯蓉，吸埋牛油嘅香味。乳豬皮脆肉嫩，不會過肥，必食之一。牛扒我就無食啦，因為我唔食牛肉嘅，不過朋友就食到好滋味。