RBTea

Open Now

Now Closed

朋友極力推介黎呢間餐廳，竟然平日的下午茶時間都會咁多食客。 朋友點左香草忌廉三文魚意粉配熱檸茶。朋友推介我點正價飲品，再以優惠價點下午茶。結果我就揀左玫瑰荔枝椰果紅茶配香腸西蘭花芝士薄脆。香腸西蘭花芝士薄脆:熱辣辣香脆可口嘅薄脆有六片，脆到好似食緊薯片咁，真係夠晒薄而脆。薄脆面放左好多芝士，芝士味濃，食落似食pizza 咁，啖啖芝士，份量恰到好處，唔會食到好漏咁。薄脆餡有西蘭花，平時西蘭花好少出現係pizza ，都幾新奇，西蘭花味較淡。蕃茄醬落得比較少，所以茄汁味唔濃，薄脆就更乾身了。香腸唔會好鹹，因茄汁唔多，咸味就剛剛好，而每片薄脆都有一片仔嘅香腸。香草忌廉三文魚意粉:意粉煮得剛剛好夠彈牙，忌廉汁都幾creamy，大大片煙三文魚係面，配埋香草，令成個意粉好有色彩。煙三文魚都OK，少少咸。啲香草就似火箭菜，食落好香口。玫瑰荔枝椰果紅茶:茶成壼上，大大壼，同朋友係度傾計可以慢慢飲。下午茶就係悠閒，最啱飲玫瑰花，夠晒 relax。荔枝味都幾濃，配埋幾粒椰果，不過椰果就食唔到味了。呢間餐廳算係旺區嘅綠洲，最啱傾計、休息。