Video
Read full review
2018-11-22
66 views
英國讀完書之後，我同同學都會定期聚一聚，個晚講起野食，大家都好懷念英倫風嘅野食。香港其實唔多餐廳主打英國菜，要高質嘅更加少之有少，不過我地住嘅附近有一間，所以今日就約左係沙田見面，我地食嘅餐廳係BRICK LANE Deli呀~餐廳設計比較簡約，只運用簡單鐵通作分間，成開放式環境，感覺比較開揚。雖然係由店員安排入座，但餐具、清水都係自助，點餐亦需要自行前往櫃台，但有樣好，無加一！餐牌都幾多選擇，All Day Breakfast、Eggs Benedict 呢d當然唔少得，另外仲有燒豬肋骨 同燒雞，又有意粉、薄餅，食乜都得。我同朋友點左個Eggs Benedict share 黎食，再一人一個餐。首先講下個龍蝦班尼廸蛋配鹹蛋黃荷蘭醬($168)，一上枱就好有氣勢，成隻龍蝦頭係度，水煮蛋配上荷蘭醬，蛋黃一篤，蛋汁流到成個都係。下面夾住龍蝦肉沙律，混和左青蘋果係裏面，食起黎比較清新，底部再配上紫椰菜加上少少黑醋，配上荷蘭醬，微酸令龍蝦肉味更特出。夾住鬆餅一齊食，口感非常豐富，必食之選。之後我就點左個燒豬肋骨($128) 另外加$45 配埋餐湯、沙律同飲品。餐湯係薯仔火腿忌廉湯，好濃郁嘅薯
英國讀完書之後，我同同學都會定期聚一聚，個晚講起野食，大家都好懷念英倫風嘅野食。香港其實唔多餐廳主打英國菜，要高質嘅更加少之有少，不過我地住嘅附近有一間，所以今日就約左係沙田見面，我地食嘅餐廳係BRICK LANE Deli呀~
餐廳設計比較簡約，只運用簡單鐵通作分間，成開放式環境，感覺比較開揚。雖然係由店員安排入座，但餐具、清水都係自助，點餐亦需要自行前往櫃台，但有樣好，無加一！
餐牌都幾多選擇，All Day Breakfast、Eggs Benedict 呢d當然唔少得，另外仲有燒豬肋骨 同燒雞，又有意粉、薄餅，食乜都得。我同朋友點左個Eggs Benedict share 黎食，再一人一個餐。
龍蝦班尼廸蛋配鹹蛋黃荷蘭醬
$168
9 views
0 likes
0 comments
龍蝦班尼廸蛋配鹹蛋黃荷蘭醬
$168
10 views
0 likes
0 comments
首先講下個龍蝦班尼廸蛋配鹹蛋黃荷蘭醬($168)，一上枱就好有氣勢，成隻龍蝦頭係度，水煮蛋配上荷蘭醬，蛋黃一篤，蛋汁流到成個都係。下面夾住龍蝦肉沙律，混和左青蘋果係裏面，食起黎比較清新，底部再配上紫椰菜加上少少黑醋，配上荷蘭醬，微酸令龍蝦肉味更特出。夾住鬆餅一齊食，口感非常豐富，必食之選。
之後我就點左個燒豬肋骨($128) 另外加$45 配埋餐湯、沙律同飲品。
餐湯及沙律
6 views
0 likes
0 comments
餐湯係薯仔火腿忌廉湯，好濃郁嘅薯仔味，加上火腿微微咸香，幾特別。沙律就簡單沙律菜 加上蕃茄、粟米，面頭淋上黑醋，幾開胃。
燒豬肋骨
$128
9 views
0 likes
0 comments
燒豬肋骨
$128
8 views
0 likes
0 comments
燒豬肋骨都幾大份，BBQ醬汁味道偏濃，略帶微酸，緊緊包滿成舊豬肋骨。豬肋骨非常厚肉，咬落依然軟腍，唔會燒到乾晒，值得一讚。薯條係粗身大薯條，沾上BBQ醬汁，好夾！加埋個配菜燒茄子，有口感之餘都幾juicy，出色。
Earl Grey
3 views
0 likes
0 comments
飲品叫左杯凍嘅 Earl Grey，清清地，味唔太濃，食完濃味野飲就岩哂。
奧利奧慕絲蛋糕
$48
10 views
0 likes
0 comments
最後叫多左件蛋糕，奧利奧慕絲蛋糕($48)，面同裹面都有Oreo 夾住，慕絲好滑，有coffee味，甜度適中，為晚餐劃上完美句號。
總括黎講，呢間BRICK LANE Deli食物質素幾高，而且價錢算實惠，唔洗加一。環境亦算優雅，坐得幾舒服，遲d 會同朋友再黎試其他！
Post
