金鷺湖

Open Now

Now Closed

於大埔港鐵站搭大約5分鐘的士, 就到了大埔白鷺湖互動中心。環境什有外國渡假風情, 雖然交通唔算方便, 但唔少人都會特登揸車入去食下野, 影下相。近排新開咗間modern港式點心餐廳金鷺湖以木系傢俱置於中庭休憩廳, 確實可以係度打下卡。環境優美, 就連食物質素、賣相亦很精美高質, 絕對值得一試!【金鷺湖蝦餃】HK$78金色蝦餃皮薄柔軟, 蝦肉餡料超鮮甜彈牙又juicy【流心鵪鶉蛋燒賣】HK$78燒賣外圍係鮮甜彈牙蝦膠, 包住軟滑流心鵪鶉蛋, 鮮甜又有蛋香味, 好味!【田園蘿蔔絲酥】HK$78有如小蘿蔔一樣, 伴以曲奇餅碎為仿混土做陪襯, 賣相趣緻, 外層鬆化, 入面蘿蔔絲味道清甜。【黑松露野菌餃】HK$68湖水藍外皮, 咬一口, 餡料散發著濃郁黑松露味, 層次豐富~【脆脆鮮蝦紅米腸】HK$78粉紅色腸粉包住鬆脆層, 再包住蝦肉餡料, 鬆脆層依然keep到鬆化, 蝦肉餡鮮味, 雙重口感令人滿足。【鮑魚珍菌千層酥】HK$48/件千層酥有淡淡牛油香, 層次不太明顯, 鮑魚下藏住野菌粒, 鮮味又清香。