篤篤車 (Moved) New Location

在元朗一直找不到好食的車仔麵，今天終於有大發現了⋯⋯呢間「篤篤車」車仔麵，店面細細間，但係人流就源源不絕，皆因他的車仔麵湯底夠特別⋯⋯其實車仔麵來來去去都係嗰啲材料，要出奇制勝，真係唯有響個湯底嗰度顯然其特色之處。呢度嘅湯底有鱷魚肉濃湯湯底可供客人選擇，而且有辣味同冇辣味之分，悉隨尊便，個湯底仲放咗紅棗、杞子、同菇菌，飲落好入味，好濃郁，真材實料。啲車仔麵餸全部都炆得好淋身，好入味，好似蘿蔔咁，幾乎入口即溶，鮮甜無比。就連豬腸、牛肚、牛腩、牛筋等等，呢啲比夠煙硬的食材都炆得好淋，味道亦都好好，相信應該花咗唔少時間去處理，所以相信呢度都係一間用心去經營的小店！除咗車仔麵，小食都有好幾款揀，網紋春卷，配泰式甜辣醬，酸酸甜甜，香脆可口，馬拉盞炒芥蘭，雖然係辣左少少，不過個味道都好好。另外飲品都有啲心思，一杯青檸薄荷梳打睇落簡簡單單，但係青檸梳打好明顯有加到青檸汁，飲起上嚟有好濃的青檸味道，加上新鮮的薄荷葉，令人更加有一種好清涼、好清新的感覺。最鍾意幫襯一啲有心經營的小店，所以呢間一定會再幫襯。