Video
Read full review
2020-10-07
586 views
之前收工行過見到成日想試。早幾日終於決定會一會佢。一坐低，叫左二杯生啤止止渴，跟著慢慢睇下menu有d咩食。通常去居酒屋，離唔開食串燒，店員介紹番話呢度主打食日本雞既唔同部位，但除左雞串燒外，推介今日既限定品：鰹魚剌身。以前去上野或者新宿d居酒屋都有見過，但翻到黎香港d居酒屋就好少見有做呢樣，一於試下。再叫左d雞串燒，同店員推介既安格斯肉眼配焦糖瑪奇朵汁，再另外叫左個呢度既另一主打：釜飯。先黎一個鰹魚剌身，同之前係日本食既都好似，但店主係上面再加左d麻油，伴埋洋蔥絲，蔥同薑蓉一齊食，成個感覺好平衡。尤其個洋蔥，伴左一個酸酸地既汁，做頭一道菜個感覺真係好開胃。跟著到雞既串燒，食得出係日本貨，同平時係元朗食其他d串燒好唔同，店主仲同我地介紹番，日本雞既內臟唔好燒到熟哂食係最好，大概七成熟就ok。可以食到果種雞內臟既原味。到主菜個肉眼，最初我問店員咩係焦糖瑪奇朵汁。佢話係店主特別調教既一個汁，係焦糖咖啡既汁黎。聽落覺得呢個配搭好新穎，就試一試。食落口，焦糖果種焦香同咖啡既苦澀味帶出番肉眼既牛肉味，非常襯！第一次試到咁新穎既食法，有驚喜。可惜店主話黎梗轉menu，呢個order會冇左，唯有期待
一坐低，叫左二杯生啤止止渴，跟著慢慢睇下menu有d咩食。
通常去居酒屋，離唔開食串燒，店員介紹番話呢度主打食日本雞既唔同部位，但除左雞串燒外，推介今日既限定品：鰹魚剌身。
以前去上野或者新宿d居酒屋都有見過，但翻到黎香港d居酒屋就好少見有做呢樣，一於試下。
再叫左d雞串燒，同店員推介既安格斯肉眼配焦糖瑪奇朵汁，再另外叫左個呢度既另一主打：釜飯。
先黎一個鰹魚剌身，同之前係日本食既都好似，但店主係上面再加左d麻油，伴埋洋蔥絲，蔥同薑蓉一齊食，成個感覺好平衡。尤其個洋蔥，伴左一個酸酸地既汁，做頭一道菜個感覺真係好開胃。
跟著到雞既串燒，食得出係日本貨，同平時係元朗食其他d串燒好唔同，店主仲同我地介紹番，日本雞既內臟唔好燒到熟哂食係最好，大概七成熟就ok。可以食到果種雞內臟既原味。
到主菜個肉眼，最初我問店員咩係焦糖瑪奇朵汁。佢話係店主特別調教既一個汁，係焦糖咖啡既汁黎。聽落覺得呢個配搭好新穎，就試一試。
食落口，焦糖果種焦香同咖啡既苦澀味帶出番肉眼既牛肉味，非常襯！第一次試到咁新穎既食法，有驚喜。可惜店主話黎梗轉menu，呢個order會冇左，唯有期待新餐單有其他驚喜。
到最後既釜飯，我地叫左個黃金海鮮釜飯。以前去日本d旅館都有食過，係一d好傳統既菇類或者山菜既飯黎。但呢一個飯，佢加左一樣好香港地道既食材：咸蛋黃。成件事又係一個好平衡既菜式，咸蛋黃同海鮮本身已經係perfect match，再加埋呢個即叫即煮既日式煲仔飯底，d飯粒粒分明，撈埋一齊黎食真係一道好好既ending。
期待下次新menu再試新菜式👍👍👍
ps：由於太肚餓，食到一半先醒起冇影到串燒😂
Post
