Video
Read full review
2023-08-04
40 views
PROTON📍元朗教育路83號地舖今晚同阿妹行完元朗廣場，用OpenRice搵到一間好適合打卡嘅工業風cafe，難得爸媽撐枱腳，我哋都搵嘅cafe坐下嘆下晚餐。呢度晚餐嘅main course都有接近二十款，前菜、小食同甜品加埋都有十幾種，款式多得眼花撩亂，總有一款啱你心水。而且佢哋有dinner set嘅優惠，用唔同嘅價錢就可以享用到唔同嘅晚餐組合，豐儉由人，比較高自由度。提提大家呢度用餐時間只有90分鐘，而甜品係要叫起嘅，可能係即叫即做，所以都要等下㗎，記得要預返時間呀！ 💰$58櫻花蝦虎蝦金柚田園泰式沙律 🍤🥗我哋揀咗$58升級套餐優惠，佢包咗頭盤、甜品同一杯飲品。套餐優惠有五款前菜可以選擇，包括三款沙律同兩款湯品。我對沙律一般唔大興趣，所以我就比阿妹揀佢想食嘅前菜。佢揀咗呢款櫻花蝦虎蝦金柚田園泰式沙律，櫻花蝦乾脆脆哋好香口，沙律菜同一般嘅無咩大分別，但個金柚醬好突出，除咗食到一粒粒嘅柚子之外，佢仲帶有微微嘅辣味，酸酸甜甜非常醒胃，亦切合菜名泰式沙律，富有泰式風味。值得一提係佢兩隻大大嘅虎蝦，上面耍有些微黑椒調味，蝦肉彈牙爽口，而且剝咗殼，食嘅時候非常方便。 💰$158 脆香軟殼
📍元朗教育路83號地舖
今晚同阿妹行完元朗廣場，用OpenRice搵到一間好適合打卡嘅工業風cafe，難得爸媽撐枱腳，我哋都搵嘅cafe坐下嘆下晚餐。
呢度晚餐嘅main course都有接近二十款，前菜、小食同甜品加埋都有十幾種，款式多得眼花撩亂，總有一款啱你心水。而且佢哋有dinner set嘅優惠，用唔同嘅價錢就可以享用到唔同嘅晚餐組合，豐儉由人，比較高自由度。
提提大家呢度用餐時間只有90分鐘，而甜品係要叫起嘅，可能係即叫即做，所以都要等下㗎，記得要預返時間呀！
[價錢 Price]
💰$58
櫻花蝦虎蝦金柚田園泰式沙律 🍤🥗
我哋揀咗$58升級套餐優惠，佢包咗頭盤、甜品同一杯飲品。套餐優惠有五款前菜可以選擇，包括三款沙律同兩款湯品。
我對沙律一般唔大興趣，所以我就比阿妹揀佢想食嘅前菜。佢揀咗呢款櫻花蝦虎蝦金柚田園泰式沙律，櫻花蝦乾脆脆哋好香口，沙律菜同一般嘅無咩大分別，但個金柚醬好突出，除咗食到一粒粒嘅柚子之外，佢仲帶有微微嘅辣味，酸酸甜甜非常醒胃，亦切合菜名泰式沙律，富有泰式風味。值得一提係佢兩隻大大嘅虎蝦，上面耍有些微黑椒調味，蝦肉彈牙爽口，而且剝咗殼，食嘅時候非常方便。
[價錢 Price]
💰$158
脆香軟殼蟹虎蝦蟹籽粉紅汁手工意大利麵 🦀🍤🍝
主菜其實我本身係想試下呢度嘅軟殼蟹risotto，不過我妹唔想食飯，所以就揀咗呢個手工意大利麵啦。雖然佢話係粉紅汁，但感覺上同一般嘅蕃茄醬汁無明顯嘅分別，手工意大利麵比一般嘅麵條粗，食嘅時候除咗掛汁，亦都黏上好多蟹籽，令口感更加豐富。呢道主菜同樣有虎蝦，都係一樣咁彈牙爽口，配埋個粉紅汁一齊食都幾夾。主角軟殼蟹造型非常搶眼，好似一大隻蟹爬咗上碟意粉到咁，雖然比想像中厚粉，但都食到入面嘅膏係好濃郁嘅。
[價錢 Price]
💰$48 (升級PROTON系列甜品)
綠茶提拉米蘇 🍵🍰
我會揀呢間cafe係因為見到佢嘅甜品整得幾有心思，一嚟可以打卡，二嚟可以滿足一下我嘅sweet tooth，所以一口氣叫咗兩個甜品。首先要介紹嘅係呢個green tea tiramisu，我哋係加咗$48升級PROTON系列甜品，比原價$80一個抵食。我從來未食過綠茶味嘅tiramisu，無諗過綠茶同tiramisu結合咗係咁好食嘅！佢綠茶嘅芝士部份其實係偏甜嘅，但灑上面嘅綠茶粉就帶有苦味嘅，夾埋唔會浸到淋晒嘅手指餅一齊食，真係好好味呀！
[價錢 Price]
💰$80
草莓芝雪山 🍓🥐🗻🫐🍰
另一個甜品我哋就揀咗呢個草莓芝雪山，我揀佢嘅原因係因為佢有齊韓式人氣croffle同blueberry cheesecake，大大大滿足！呢次係我第一次食croffle，估唔到用croissant壓成嘅waffle可以咁酥脆咁好食！上面仲要放咗一大球凍冰冰嘅士多啤梨味雪糕，仲可以將croffle切細點半溶嘅雪糕嘅雪糕嚟食！而我妹就比較欣賞佢嘅blueberry cheese cake，雖然唔係特別濃芝士味，但勝在唔會太膩，食到好滯。仲有一個特別嘅位，就係佢會放咗啲粟米片做點綴，雖然係普通嘅食材，但配埋啲甜品嚟食都係一個唔錯嘅選擇。唯一美中不足嘅地方就係個士多啤梨醬太甜，加落甜品到食會有點搶戲，如果味道淡返少少，多返啲天然味道會更加好食。
[價錢 Price]
💰$42 (套餐已包)
凍意大利朱古力 🍫🥛
最後我比阿妹揀咗杯套餐包咗嘅飲品，佢揀咗杯iced Italy chocolate，飲落甜度適中，後勁有少少苦澀味，比一般嘅朱古力飲料好飲。
Post
