再來一煲 (好順景大廈1座)

Open Now

Now Closed

近期天氣凍，決心去試試元朗有名嘅小店雞煲-再來一煲因為人氣爆燈，建議要去之前要打電話book定位我哋兩個女仔嗌咗半隻雞既手抱BB辣雞煲，另加一份椒鹽粟米和火鍋配料雞煲份量都幾好，香料配菜非常多，加熱炒嘅時候會比較搶口，不過絕對值得我最鍾意佢有落疑似檸檬葉嘅配料，比傳統嘅雞煲再多一份獨特嘅香氣，令人食到唔停口而配菜方面我哋叫咗紙豆腐和自製韭菜餃，豆腐口感非常獨特，睇落似腐皮，但係食落似好索汁嘅？？（實在找唔到形容詞😂），但係係好食嘅；而自制韭菜餃亦都交到功課。最後嘅椒鹽粟米份量多，香口惹味，另一必食推介🦾