醉美島 (Closed)

今日嚟到元朗新開串燒店，食串燒最緊要有個爐慢慢keep住溫度，一路傾計一路慢慢食😬😬串燒種類多之餘仲有主打醉美島海鮮鍋。海鮮種類都多，有蟹、鮑魚、蝦、魷魚。但我地今次冇提前預訂冇得食，下次再嚟就一定要試下🤪🤪秘汁花甲配粉絲 (限量)花甲都頗多，粉絲索晒花甲嘅鮮味同秘汁，我地揀左小辣，辣辣地幾過癮🤩🤩停唔口雞泡魚乾雞泡魚乾係每次去串燒必叫，口感煙煙韌韌，咬落鮮甜，加埋沙律醬，越食越滋味😋雞皮串，食落好脆身，送啤酒一流😝豬頸肉串，最推薦依款，豬頸肉爽口得嚟又唔算好肥，油脂比例適中👍🏻👍🏻台灣黑椒味香腸/原味香腸，香腸啖啖肉，幾juicy🤩雞肉串，雞肉嫩滑，有水準😋 魷魚鬚串，有咬口，燒左好耐都冇縮水😆牛肉串，保留返原有嘅油脂之餘，口感又唔韌🤭牛舌串幾爽口😬甜燒菠蘿菠蘿啱啱燒起，酸酸甜甜🤪蒜蓉茄子茄子肉嫩滑，加上適量孜然粉、辣粉、蔥粒作調味，十分惹味😙😙藍妹啤酒嚟串燒店一定唔少得飲返2杯，一啖串燒，一啖啤酒!!!🍻